Палата прадстаўнікоў прыняла закон пра амністыю адразу ў двух чытаннях

Законапраект дэпутатам Палаты прадстаўляў міністр унутраных справаў генерал-маёр міліцыі Ігар Шуневіч.

Па словах міністра, якія перадае БЕЛТА, амністыя не цягне за сабой негатыўных наступстваў, бо яна ўжываецца да тых, хто кампенсаваў шкоду, раскаяўся і г.д. Таксама Шуневіч заявіў, што вызваленыя месцы не будуць адразу ж занятыя новымі асуджанымі.

 У цэлым чакаецца, што амністыя закране каля 7600 чалавек. Каля 2 тысяч з іх плануецца вызваліць непасрэдна з месцаў пазбаўлення волі.

 Нагадаем, што палітвязняў амністыя не закране. Пра гэта некалькі тыдняў таму заявіў Аляксандр Лукашэнка.