Пенсіянер Міністэрства абароны: Усё ў нас пад забаронай (відэа)
У апошнія гады на берасьцейшчыне адмовы ў правядзеньні масавых мерапрыемстваў заяўнікам дэмакратычных акцыяў звычайная практыка мясцовых ўладаў.
Падставы для адмовы досыць тыповыя: ці то ў гэты самы час і ў гэтым самым месцы адбываецца іншае мерапрыемства, ці то чыноўнікі спасылаюцца на рашэнне Брэсцкага гарвыканкаму № 1210, прынятае 30 чэрвеня 2011.
Дакумент прадугледжвае, што арганізатары мерапрыемства павінны прыкласці да заявы аб правядзенні масавага мерапрыемства шэраг дамоваў: з райаддзелам ўнутраных спраў - аб ахове грамадскага парадку падчас правядзення мерапрыемства; з гарадской паліклінікай - аб медыцынскім абслугоўванні; з КУМПП «Брэсцкая гарадская жыллёва-камунальная гаспадарка» - аб забеспячэнні ўборкі тэрыторыі. Больш таго, у Рашэнні паказваецца, што аплата за гэтыя паслугі павінна быць праведзена не менш, чым за адзін дзень да пачатку мерапрыемства. У выпадку невыканання гэтага патрабавання дазвол на правядзенне мерапрыемства анулюецца.
Людзі перакананыя, што рашэньне гарвыканкаму вызначае празмерныя патрабаваньні і парушае іх канстытуцыйныя правы. Берасьцейскія праваабаронцы распачалі кампанію па збору подпісаў за адмену гэтага рашэння.
Сябра беларускай партыі левых "Справядлівы свет" Аляксандр Дзенісенка змагаецца за права на свабоду мірных сходаў у судзе, аднак пакуль рашэньне было прынятае не на яго карысць.
