Пра пераслед праваабаронцаў у Беларусі пад выглядам барацьбы з падатковымі парушэннямі
Заява Міжнароднай
назіральнай місіі № 9
Міжнародная назіральная місія:
1. Выказвае крайнюю занепакоенасць
у сувязі з арыштам 4 жніўня 2011 года кіраўніка Праваабарончага цэнтру
"Вясна", віцэ-прэзідэнта Міжнароднай Федэрацыі правоў чалавека Алеся
Бяляцкага і узбуджэннем ў дачыненні да яго крымінальнай справы па ч. 2 арт. 243 Крымінальнага Кодэкса Рэспублікі Беларусь (ухіленне ад выплаты
падаткаў, што пацягнула прычыненне шкоды ў асабліва буйным памеры), а таксама працэсуальнымі
парушэннямі падчас ператрусу, затрымання і допыту;
лічыць, што гэтыя абвінавачванні відавочным чынам звязаныя
выключна з праваабарончай дзейнасцю Алеся Бяляцкага і узначальваемага ім
Цэнтра, у прыватнасці, па назіранні за выбарамі і аказанні прававой і
матэрыяльнай дапамогі членам сем'яў і самім асуджаным па справах, звязаных з
падзеямі 19 сьнежня 2010 і нядаўнімі акцыямі
"маўклівых пратэстаў"; разглядае гэтыя абвінавачванні ў кантэксце
папярэдніх спроб перашкоды дзейнасці Праваабарончага цэнтра "Вясна",
пачынаючы з яго ліквідацыі Вярхоўным судом Рэспублікі Беларусь у 2003 г., ператрусаў і
канфіскацыі належачага яму абсталявання пасля 19 снежня 2010 г. і сканчаючы
вынесеным Алесю Бяляцкаму ў лютым 2011 г. папярэджаннем аб
"недапушчальнасці ажыццяўлення дзейнасці ад імя незарэгістраванай
арганізацыі"
расцэньвае прад'яўленыя абвінавачванні як
неабгрунтаваныя, паколькі атрыманыя Бяляцкім фінансавыя сродкі не з'яўляліся
яго асабістым прыбыткам, а пералічваліся праз яго рахунак на мэты падтрымкі
грамадзянскай супольнасці Беларусі і забеспячэння праваабарончай дзейнасці ў
адпаведнасці з дагаворамі ахвяравання і расходваліся на гэтыя мэты.
2. Канстатуе, што падобная сітуацыя стала магчымай выключна з-за неадпаведнасці агульнапрызнаным міжнародным стандартам беларускага заканадаўства ў галіне свабоды асацыяцыяў, якое не дазваляе няўрадавым арганізацыям набываць рэгістрацыю ў адпаведнасці з разумнай, празрыстай і простай працэдурай; прадугледжвае працэдуру іх ліквідацыі па неправавых падставах; ўстанаўлівае іх нерацыянальнае падаткаабкладанне; перашкаджае ажыццяўленню іх фінансавай падтрымкі з боку міжнародных структур і робіць любыя законныя грамадзянскія і праваабарончыя ініцыятывы закладнікам сістэмнай недасканаласці вышэйпералічаных нормаў.
3. Лічыць, што адказнасць за тое,
што адбылося, таксама нясуць і іншыя дзяржавы-ўдзельніцы АБСЕ, якія не
дамагліся ад Рэспублікі Беларусь прывядзення яе нацыянальнага заканадаўства ў
адпаведнасць з міжнароднымі стандартамі ў галіне свабоды асацыяцыяў, а замест
гэтага аддавалі перавагу шляху падтрымкі беларускай грамадзянскай супольнасці ў
абыход нацыянальнага заканадаўства, паставіўшы такім
чынам пад пагрозу асабістую свабоду і бяспеку беларускіх праваабаронцаў і
грамадзянскіх актывістаў;
з глыбокім шкадаваннем адзначае той факт, што непасрэдна
арышту беларускага праваабаронцы спрыяла непаслядоўная і недальнабачная пазіцыя
ўладаў Літоўскай Рэспублікі, якія не ацанілі рызыкі для асабістай свабоды і
бяспекі Алеся Бяляцкага ад перадачы уладам Беларусі інфармацыі аб банкаўскіх
рахунках, адкрытых у Літве для забеспячэння праваабарончай дзейнасці беларускіх
грамадзянскіх арганізацый і ініцыятыў.
4. Звяртае ўвагу на тое, што пад аналагічнай пагрозай могуць апынуцца іншыя прадстаўнікі беларускіх праваабарончых і грамадзянскіх арганізацый, многія з якіх у існуючых умовах маглі быць вымушаны шукаць шляхі забеспячэння сваёй дзейнасці за рамкамі юрысдыкцыі Беларусі;
5. Таксама занепакоеная працягваючым
ціскам на праваабаронцаў, якiя ажыццяўляюцца іншымі спосабамі, - у прыватнасці,
паўторным папярэджаннем з боку Міністэрства юстыцыі ў адрас РПГА
"Беларускі Хельсінкскі Камітэт".
У сувязі з вышэйпададзеным, Міжнародная назіральная місія
патрабуе:
1. Вызвалення Алеся Бяляцкага з-пад
варты і спынення крымінальнага пераследу ў дачыненні да яго ў сувязі з
адсутнасцю ў яго дзеяннях складу злачынства;
2. Спынення ціску на праваабарончыя
і грамадзянскія арганізацыі, у прыватнасці, Праваабарончы цэнтр
"Вясна" і РПГА "Беларускі Хельсінкскі Камітэт", іх
супрацоўнікаў і актывістаў;
3. Прывядзення нацыянальнага
заканадаўства Рэспублікі Беларусь у адпаведнасць з міжнароднымі стандартамі ў
галіне свабоды асацыяцыяў, пры унясенні змяненняў у заканадаўства кіравацца
рэкамендацыямі міжурадавых арганізацый (у тым ліку, запытаўшы афіцыйную
экспертызу Еўрапейскай камісіі за дэмакратыю праз права), а таксама ўлічваць
меркаванне нацыянальных і міжнародных экспертаў;
4. Абвяшчэння да перагляду
заканадаўства мараторыя на следчыя дзеянні і судовыя разбіральніцтвы ў
дачыненні да грамадзянскіх і праваабарончых арганізацый, у тым ліку
Праваабарончы цэнтр "Вясна" і РПГА "Беларускі Хельсінкскі
Камітэт", іх супрацоўнікаў і актывістаў;
5. Прыняцця ўладамі Літоўскай
Рэспублікі мер па мінімізацыі шкоды, нанесенай перадачай яе Міністэрствам
юстыцыі праваахоўным органам Беларусі інфармацыі аб банкаўскіх рахунках
беларускіх грамадзянскіх актывістаў, напрыклад, шляхам прадастаўлення ім у
выпадку ўзнікнення неабходнасці абаронцаў у асобе кваліфікаваных літоўскіх
адвакатаў, а таксама выдзялення фінансавых сродкаў для выплаты магчымых штрафаў;
6. Недапушчэння аналагічных
дзеянняў па перадачы інфармацыі аб праваабаронцах і праваабарончых арганізацыях
ўладаў Беларусі з боку іншых дзяржаў - удзельніц АБСЕ;
7. Уключэння пытання аб сітуацыі з
правамі чалавека і вяршэнствам права ў Беларусі ў парадак дня ўсіх планаваных у
бліжэйшы час афіцыйных сустрэч і мерапрыемстваў у рамках міжурадавых
арганізацый (ААН, АБСЕ і Савета Еўропы), у тым ліку на самым высокім узроўні
(Генеральная Асамблея ААН, Міністэрская канферэнцыя
АБСЕ).
Кіраўнік Місіі
Андрэй Юраў
8 жніўня 2011
г