У Мазыры не дазваляюць пікет у падтрымку Мікіты Ліхавіда ў шматлюдным месцы

У Мазыры адмоўлена ў правядзенні пікетаў грамадскім актывістам Рыгору Крывіцкаму і Алесю Кавальчуку, якія хочуць падтрымаць палітвязня Мікіту Ліхавіда. Гэта вынікае з адказу намесніка старшыні Мазырскага райвыканкама Фелікса Галюка, паведамляе "Гомельская вясна".

Актывістаў накіроўваюць ў месцы, дзе даўно не праводзяцца не толькі масавыя мерапрыемствы, але і спартовыя. Там, нават, не выгульваюць сабак, як у Менску на пл. Бангалор. Стадыён "Спартак" амаль увесь час зачынены, а стадыён "Палессе" знходзіцца на ўскрайку населенага пункта Козенкі Мазырскага раёна.

Разам з тым грамадскія актывісты не адмаўляюцца ад намеру правесці пікет у падрымку мужнага маладога палітвязня.