Белыя і чырвоныя стужкі – да гадавіны рэферэндуму па змене дзяржаўнай сімволікі

У ноч з суботы на нядзелю ў цэнтры Оршы з'явіліся белыя і чырвоныя стужкі, прывязаныя да высаджаных тут кустоў. Таксама падобныя стужкі можна было ўбачыць прымацаванымі на аўтобусных прыпынках і рэкламных шчытах.

Гэткім чынам актывісты Аршанскай суполкі Моладзі БНФ адзначылі чарговую гадавіну рэферэндуму па змене сімволікі краіны.

14 мая 1995 году па ініцыятыве Аляксандра Лукашэнкі ў краіне прайшоў рэферэндум, па выніках якога замест бела-чырвона-белага сцягу і гербу "Пагоня" былі ўведзены ў якасці дзяржаўных крыху змененыя савецкія сімвалы БССР.

“Праваабарончая хроніка”