Чарговыя затрыманьні грамадзкіх актывістаў адбыліся ў Гародні. На гэты раз ахвярамі плянавых "зачыстак" сталі назіральнікі на выбарах – былы палітвязень Аляксандар Васільеў і актывіст моладзевага руху Андрэй Мялешка.

Неўзабаве яны будуць засуджаны па стандартнай фармулёўцы за дробнае хуліганства. Такім чынам за кратамі ў Гародні апынуліся ўжо 13 удзельнікаў выбарчай кампаніі. Акрамя Васільева і Мялешкі, гэта Максім Губарэвіч, Віктар Сазонаў, Сяргей Мальчык, Андрэй Пачобут, Юзаф Пажэцкі, Вадзім Саранчукоў, Анджэй Пісальнік, Мікола Воран, Мікола Лемяноўскі, Яўген Лясоцкі і Артур Смятанін.