У тэрытарыяльных камісіях Віцебшчыны 4 грамадзяніны Расіі

У дзеючым Выбарчым кодэксе Рэспублікі Беларусь у артыкуле 58 замацавана права грамадзян Расійскай Федэрацыі, якія стала пражываюць у Беларусі, на роўных з мясцовымі жыхарамі ўдзельнічаць у выбарах дэпутатаў мясцовых Саветаў дэпутатаў.

Паводле інфармацыі, распаўсюджанай Віцебскім абласным выканаўчым камітэтам у выглядзе агульнай зводнай табліцы, пры фармаванні тэрытарыяльных выбарчых камісій з 1986 сяброў камісій з расійскім грамадзянствам уключаныя ў іх 4 чалавекі (адзін у раённай тэрытарыяльнай камісіі і тры ў сельскіх тэрытарыяльных выбарчых камісіях). Праўда невядома, дзе гэтыя расіяне стала жывуць і ў якіх тэрытарыяльных выбарчых камісіях працуюць.

Забяспечваць працу акруговых камісій па выбарах дэпутатаў у Віцебскі абласны Савет дэпутатаў будуць 739 чалавек. Але ў сродках масавай інфармацыі адсутнічае інфармацыя аб колькасці грамадзян Расіі, якія ўвайшлі ў гэтыя камісіі. Дадзеныя аб сябрах акруговых камісій, надрукаваныя ў мясцовых дзяржаўных газетах, абмяжоўваюцца толькі асабістымі дадзенымі і ад каго яны  былі вылучаныя.

“Праваабаронцы за свабодныя выбары”