“Товарищ» гомельскім “таварышам” – не сябар

9 чэрвеня цягам дня ў Гомелі супрацоўнікі міліцыі затрымалі некалькі сябраў гомельскай арганізацыі ПКБ, якія праводзілі адзіны дзень сацыяльнага інфармавання насельніцтва. Пры гэтым каля прахадных многіх прадпрыемстваў раздавалі газету “Товарищ».

Як паведамлялася раней, у 7 гадзін раніцы ля прахадной завода “Электраапаратура” былі затрыманыя Уладзімір Сякерка і Мікалай Засускі. Іх даставілі ў Чыгуначны РАУС Гомеля, а праз нейкі час выпусцілі.

.
У Цэнтральны РАУС былі дастаўленыя актывісты партыі ПКБ Марыя Багдановіч і Уладзімер Мышак, якія  распаўсюджвалі газету каля прахадной Гомельскага аўтарамонтнага завода.

У другой палове дня, як паведамляе “Радыё Свабода”, ля Завода пускавых рухавікоў міліцыя затрымала Сяргея Мотуза і Сяргея Шпака. Пасьля канфіскацыі газет іх таксама адпусьцілі.