Журналісты Любліна супраць абмежаваньня свабоды слова ў Беларусі
Акцыя журналістаў Любліна ў абарону свабоды слова на Беларусі
У знак пратэсту супраць абмежаваньня свабоды слова ў Беларусі люблінскія журналісты прайшлі галоўнымі вуліцамі горада з заклеенымі стужкай вуснамі. У руках трымалі сымбаль незалежнай Беларусі – бел-чырвона-белы сьцяг. Такім чынам прадстаўнікі люблінскіх СМІ адрэагавалі на нядаўнюю атаку на незалежных журналістаў у Беларусі.
Акцыя салідарнасьці зь беларускімі калегамі адбылася 2 красавіка ў рамках урачыстага шэсьця “Папскі Марш Салідарнасьці” – адной з шматлкіх акцыяў, арганізаваных у гонар трэціх угодкаў сьмерці Папы Яна Паўла ІІ. Разам з пратэстам супраць абмежаваньня свабоды слова ў Беларусі удзельнікі шэсьця выступілі ў падтрымку вольнага Тыбету, зьвярнулі ўвагу грамадзкасьці на нізкі ўзровень жыцьця афрыканскіх народаў.
