Суд над Кацярынай Салаўёвай прызначаны на 27 сакавіка

Суддзя Полацкага гарадскога суду Алена Марозава 27 сакавіка ў 15-00 пачне разгляд крымінальнай справы моладзевай актывісткі Кацярыны Салаўёвай. Яна абвінавачваецца ў дзейнасьці ад імя незарэгістраванай арганізацыі “Малады Фронт”. Паводле артыкула 193.1 Крымінальнага Кодэксу Рэспублікі Беларусь, полацкая актывістка можа быць пазбаўлена волі на тэрмін да 2 год.

Кацярыне некалькі разоў пагражалі адлічэньнем з Полацкага дзяржаўнага ўніверсітэта, а у студзені 2008 г. адлічылі з другога курса гісторыка-філялягічнага факультэту. Інтарэсы Кацярыны Салаўёвай у судзе будзе абараняць адвакат Аляксандр Галіеў.