Мінчука асудзілі на 3 гады калоніі па "справе Зельцэра"
У Брэсцкім абласным судзе 26 кастрычніка асудзілі Аляксея Іванова паводле арт. 369 (Абраза прадстаўніка ўлады) і ч. 1 арт. 130 (Распальванне іншай сацыяльнай варожасці) Крымінальнага кодэкса. Справу разглядала суддзя Святлана Крэмянеўская.
Аляксея Іванова затрымалі 11 кастрычніка 2021 па крымінальнай справе, узбуджанай за каментары ў інтэрнэце пасля гібелі ў мінскай кватэры супрацоўніка КДБ Дзмітрыя Федасюка і it-спецыяліста Андрэя Зельцэра.
Як паведамляе "Брэсцкая Вясна", са жніўня 2022 Аляксей утрымліваецца у Брэсцкім СІЗА №7. Мужчына прапісаны ў Гродна, але доўгі час жыў у Мінску.
26 кастрычніка суддзя Брэсцкага абласнога суда Святлана Крэмянеўская прызнала вінаватым Аляксея Іванова паводле арт. 369 (Абраза прадстаўніка ўлады) і ч. 1 арт. 130 (Распальванне іншай сацыяльнай варожасці) Крымінальнага кодэкса і прысудзіла пакаранне тэрмінам 3 гады пазбаўлення волі ў калоніі ва ўмовах агульнага рэжыма і штраф памерам 3200 рублёў.
