Затрыманні, ціск на палітвязняў: хроніка пераследу 15-16 ліпеня

2022 2022-07-16T14:12:02+0300 2022-07-16T14:12:02+0300 be https://spring96.org/files/images/sources/ksendz_8w.jpeg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

15-16 ліпеня ў Беларусі па-ранейшаму працягваюцца затрыманні, ператрусы, катаванні ў ізалятарах, аказваецца ціск на палітвязняў, незалежныя медыяпрадукты прызнаюць экстрэмісцкімі матэрыяламі. Адбываюцца рэпрэсіі ў дачыненні да грамадзян, якія актыўна выказваюць сваю пазіцыю ў адносінах да вайны, распачатай узброенымі сіламі Расіі. Праваабарончы цэнтр "Вясна" збірае апошнія факты палітычнага пераследу грамадзян Беларусі.

Калі вас ці вашых блізкіх затрымалі, паведамляйце нам:

Затрыманні ў Мінску

У Мінску быў затрыманы Аляксандр Кабак (15.12.1980). Вядома, што яго змясцілі ў ІЧУ на Акрэсціна.


У Віцебску затрыманы ксёндз Андрэй Вашчук

Сёння ў Віцебску быў затрыманы ксёндз Андрэй Вашчук, пробашч парафіі Святога Духа ў Віцебску. Святару інкрымінуюць ч. 1. арт. 24.23 КаАП (несакцыянаванае пікетаванне). Суд мусіць адбыцца на наступным тыдні. Меркавана, за рэпост «апошняга слова» палітвязня Зміцера Дашкевіча ў судзе.


Актывіста з Наваполацку ў трэці раз запар пакаралі суткамі за рэпосты. У ЦІПе ён перанёс гіпертанічны крыз

Андрэя Галавырына затрымалі 15 чэрвеня і змясцілі ў Наваполацкі ЦІП. Вядома, што у гэты дзень над ім адбыўся суд па арт. 19.11 КаАП за «распаўсюд экстрэмісцкіх матэрыялаў». Суддзя Зінаіда Балаболава прызнала яго вінаватым і арыштавала на 15 сутак. 1 ліпеня, Андрэя зноў пакаралі 15-сутачным арыштам.

Праваабаронцам стала вядома, што 15 ліпеня, Галавырына ў трэці раз запар асудзілі на 15 сутак.

Нагадаем, падчас першага арышту мужчына перанёс гіпертанічны крыз.


Старшыню Свабоднага прафсаюзу Беларускага Міколу Шараха асудзілі на 15 сутак арышту 

@profbelonline паведамляе, што судзілі яго за аватарку ў Facebook. Верагодна, размова ідзе пра фотаздымак, унізе якога прычэплены сцяг Украіны.


Вайсковаму эксперту Ягору Лебядку прысудзілі 15 сутак арышту

Ягор Лебядок

Яго судзілі паводле арт. 24.3 КаАП РБ (непадпарадкаванне міліцыянтам).


Кроў на пратаколе і 25 сутак па двух артыкулах — у Іванаве асудзілі яшчэ аднаго затрыманага на тыдні

"Нашай Ніве" стала вядома, што мясцоваму жыхару Андрэю Дражыну прызначылі 25 сутак арышту. Мужчыну судзілі адразу па двух «народных» артыкулах — за пікетаванне і непадпарадкаванне. Суд праходзіў у закрытым рэжыме.

Пад пікетаваннем меўся на ўвазе намаляваны на гаражнай браме герб Пагоня, які яшчэ ў 2007 годзе быў уключаны ў Дзяржаўны спіс гісторыка-культурных каштоўнасцяў. Брама з гербам была нябачная як з дарогі, так і з боку суседзяў. Пагоня там месцілася ўжо каля 10 гадоў. Але сілавікі заўважылі яе толькі падчас пазаўчорашняга ператрусу.

Падчас затрымання сілавікі паклалі Дражына на падлогу і надзелі кайданкі. Мужчыну падрапалі нос — пашкоджанні відаць на «пакаяльным» відэа. Апроч гэтага, у Андрэя з'явіліся сінякі на руках і нагах. Праз разбіты нос было шмат крыві. Кажуць, што кроў была нават на пратаколах.


У Драгічыне затрымалі больш за 20 чалавек, большасць з іх — прадпрымальнікі

«Людзі, якіх затрымалі, займаюцца прадпрымальніцкай дзейнасцю. З тых, каго магу назваць, — Андрэй і Ірына Малашыцкія. Самі яны людзі добрыя, працавітыя. У іх ёсць у горадзе сваё кафэ, крамы. Наколькі ведаю, яны яшчэ здавалі памяшканні іншым прадпрымальнікам.

Усім, да каго прыйшлі, аформілі адміністрацыйны артыкул 24.3 (Непадпарадкаванне законнаму распараджэнню або патрабаванню службовай асобы). Іх адправілі ў мясцовы ІЧУ, на наступны дзень быў суд. Далі невялікія штрафы (па 3-5 базавых) і адпусцілі»,расказае відавочца "Нашай Ніве".


Уладзіслава Карэцкага ў наваполацкай калоніі змяшчаюць у ШІЗА 

Уладзіслаў Карэцкі ў судзе. Фота Белсат

У кранальным лісце да маці палітвязень Уладзіслаў Карэцкі паведаміў, што не змог артымаць перадачу ад маці, бо яго змяшчаюць у ШІЗА, але папрасіў яе не хвалявацца:

«Я был в ШИЗО, поэтому принять передачу не мог. Скорее всего, скоро опять туда уеду или уже уехал. На сколько — не знаю. Не волнуйся, там ничего страшного нет. У меня там всё нормально.

Спасибо за всё и извини за нервы. Я часто вспоминаю фразу из фильма: «Мама будет плакать, жалко». Я тебя люблю и надеюсь скоро увидеть дома. Я про всех помню и часто думаю. Скучаю».

Уладзіслаў — валанцёр штаба Віктара Бабарыкі, якога асудзілі да пяці гадоў калоніі па справе аб «лазарных указках».

Падтрымайце палітвязня: ПК № 1, 211440, г. Наваполацк, вул. Тэхнічная, 8, Уладзіслаў Ігаравіч Карэцкі

Апошнія навіны

Партнёрства

Сяброўства