Прысуд гомельскім праваабаронцам “Вясны” пакінулі без зменаў

2022 2022-01-14T11:51:57+0300 2022-01-14T11:56:31+0300 be https://spring96.org/files/images/sources/sudalenka_lasica1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Леанід Судаленка і Таццяна Ласіца

Леанід Судаленка і Таццяна Ласіца

У Гомельскім абласным суде 14 студзеня разглядзелі апеляцыйную скаргу на прысуд кіраўніку Гомельскага аддзялення “Вясны” Леаніду Судаленку і яго памочніцы Таццяны Ласіцы.

Па прычыне таго, што судзілі праваабаронцаў у закрытым рэжыме, скаргу суддзя Мікалай Маратаеў таксама разглядаў у адсутнасць зацікаўленых слухачоў.

У выніку суддзя вырашыў, што прысуд вынесены справядліва, а довады абвінавачаных, выкладзеныя ў скарзе, задавальненню не падлягаюць.

Нагадаем, Леанід Судаленка быў затрыманы 18 студзеня 2021 года па дарозе на офіс, а Таццяну Ласіцу затрымалі ў аэрапорце 21 студзеня 2021 года. З 3 верасня над праваабаронцамі распачаўся суд, які праходзіў у закрытым рэжыме. А 3 лістапада Леаніда Судаленку асудзілі на тры гады калоніі агульнага рэжыму, а яго памочніцу Таццяну Ласіцу на два з паловай гады калоніі. Іх абвінавачвалі па двух артыкулах Крымінальнага кодэкса: нібыта за арганізацыю і падрыхтоўку дзеянняў, якія груба парушаюць грамадскі парадак (ч. 1 арт. 342 КК), і навучанне і падрыхтоўку асобаў для ўдзелу ў такіх дзеяннях, а таксама іх фінансаванне ці іншае матэрыяльнае забеспячэнне (ч. 2 арт. 342 КК). 

Леанід Судаленка і Таццяна Ласіца былі прызнаныя палітычнымі зняволенымі. 

Падтрымайце Таццяну і Леаніда:

СІЗА-3. 246003, г. Гомель, вул. Кніжная, 1А

Таццяне Леанідаўне Ласіцы
Леаніду Леанідавічу Судаленку

Апошнія навіны

Партнёрства

Сяброўства