У Мінску вынеслі прысуды антыфашыстам Цімуру і Тамазу Піпія, Дзянісу Болтуцю і Віталю Шышлову

2021 2021-07-02T16:27:42+0300 2021-07-02T17:12:19+0300 be https://spring96.org/files/images/sources/sud_antifa.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Віталь Шышлоў, Тамаз Піпія, Дзяніс Болтуць і Цімур Піпія

Віталь Шышлоў, Тамаз Піпія, Дзяніс Болтуць і Цімур Піпія

У судзе Маскоўскага раёна Мінска 2 ліпеня вынеслі прысуды антыфашыстам, якіх вінавацілі ва ўдзеле ў массавых беспарадках (ч. 2 арт. 293 КК), групавых дзеянняў, што груба парушаюць грамадскі парадак (ч. 1 арт. 342 КК), і гвалце над супрацоўнікамі міліцыі (арт. 364 КК).

Суддзя Святлана Бандарэнка палічыла віну усіх фігурантаў справы даказанай і прызначыла пакаранне ў выглядзе пазбаўлення волі з яго адбыццём ва ўмовах узмоцненнага рэжыму:

  • Віталю Шышлову і Дзянісу Болтуцю – тэрмінам на 6 гадоў кожнаму;
  • Цімуру Піпія – тэрмінам на 6 гадоў, 3 месяцы і два дні;
  • Тамазу Піпія – тэрмінам на 5 гадоў.

Менавіты такія тэрміны запрасіў для абвінавачаных пракурор Раман Бізюк. Варта адзначыць, што на апошніх пасяджэннях бок дзяржабвінавачвання прадстаўлял Фёдар Сініцкі

Таксама суд пастанавіў спагнаць ў салідарным парадку з Шышлова, Болтуця і Цімура Піпія кампенсацыю прычыненай шкоды пацярпелым міліцыянтам: Аляксею Зелянеўскаму – 1000 рублёў, Вадзіму Карабанаву – 500 рублёў. 

Пазоў ад "Мінсктранса" аб кампенсацыі шкоды за парушэнне працы грамадскага транспарту выдзелены ў асобнае грамадзянскае судаводства і будзе разглежданы пазней.

Сёння ў судзе хлопцы былі зноў са скаванымі за спіной рукамі, пасля прысуду іх выводзілі з залі суда амаль у позе “ластаўкі”.

"Пачуццё віны толькі перад людзьмі, якія знаходзяцца ў залі". Абвінавачаныя ў масавых беспарадках выступілі з апошнім словам у судзе

У судзе Маскоўскага раёна г. Мінска 1 ліпеня завяршыліся спрэчкі бакоў па крымінальнай справе антыфашыстаў Цімура і Тамаза Піпія, Віталя Шышлова і Дзяніса Болтуця. Таксама абвінавачаныя выступілі з апошнім словам.

Праваабарончы цэнтр "Вясна" з дапамогай валанцёраў адсочваў гэты судовы працэс

Падтрымаць лістамі і паштоўкамі абвінавачаных Цімура Піпія, Тамаза Піпія, Дзяніса Болтуця і Віталя Шышлова можна па адрасе:

СІЗА-1, 220030, г. Мінск, вул. Валадарскага, 2.

Апошнія навіны

Партнёрства

Сяброўства