Прысуд у дачыненні да грамадзянкі Швейцарыі Наталлі Хершэ пакінулі без зменаў

Разгляд апеляцыйнай скаргі на прысуд у дачыненні грамадзянкі Швейцарыі Наталлі Хершэ прайшоў 16 лютага ў Мінскім гарадскім судзе. Суддзёй Аленай Шылько прысуд быў пакінуты без зменаў.

Наталья Хершэ на судзе 7 снежня

Саму Наталлю Хершэ на судовае паседжанне не даставілі.

Нагадаем, 7 снежня 2020 года суддзя суда Савецкага раёна горада Мінска Сяргей Шаціла асудзіў Наталлю Хершэ паводле часткі 2 артыкула 363 Крымінальнага Кодэкса Рэспублікі Беларусь (супраціў супрацоўніку органаў унутраных спраў) на 2 гады і 6 месяцаў папраўчай калоніі ва ўмовах агульнага рэжыму.

Наталля Хершэ прызнана палітычнай зняволенай.

За падраную балаклаву грамадзянка Швейцарыі атрымала 2 гады і 6 месяцаў калоніі

Менавіта столькі запытваў раней дзяржабвінаваўца. Таксама спагнаць з Наталлі на карысць пацярпелага супрацоўніка АМАП Сяргея Кончыка матэрыяльную кампенсацыю маральнай шкоды ў памеры 1000 рублёў, дзяржаўную пошліну ў 81 рубель, працэсуальныя выдаткі ў 11 капеек. Рэчы Наталлі, канфіскаваныя пры затрыманні (мабільны тэлефон, гадзіннік Apple Watch) пакінуць пад арыштам, а яе бел-чырвона-белы сцяг знішчыць. Сапсаваную балаклаву (раней у судзе агучваўся яе кошт —1 рубель) — адрадзіць.

Заключэнне экспертаў і юрыстаў ПЦ "Вясна" па крымінальнай справе Наталлі Хершэ па арт. 363 КК

Эксперты і юрысты ПЦ «Вясна» прааналізавалі справу Наталлі Хершэ і прыйшлі да наступных высноў.