Праваабарончы цэнтр «ВЯСНА»

Навіны за 26 жніўня 2014

26.08.2014 У Віцебску ствараюць сацыяльна-прававую арганізацыю "Праметэй"

Аўтар ідэі, сябра Партыі БНФ Аляксандр Іл’інец, збірае дакументы для рэгістрацыі новага аб’яднання. Устаноўчы сход аднадумцы ўжо правялі і цяпер вызначаюцца з канкрэтнымі накірункамі працы.

26.08.2014 Гомель: суд над Кастусём Жукоўскім адкладзены, каб даць яму магчымасць мець перакладчыка і адваката

У Гомелі 26 жніўня павінен быў адбыцца суд над грамадскім актывістам Кастусём Жукоўскім, якога вечарам 25 жніўня затрымала міліцыя. 26 жніўня актывіста прывезлі з ІЧУ, дзе ён правёў ноч, у суд Цэнтральнага раёна. Затрыманы падаў шэраг хадайніцтваў.

26.08.2014 Бярозаўскія праваабаронцы не ўбачылі на стадыёне гледачоў, з-за якіх адмянілі пікет (фота)

25 жніўня бярозаўская праваабаронца Тамара Шчапёткіна і грамадская актывістка Таццяна Тарасевіч ў мяркуемы час пікету з 18 да 19 гадзін прыйшлі на цэнтральны стадыён Бярозы, каб паглядзець, ці сапраўды там адбываюцца мерапрыемствы з масай іх гледачоў, з-за якіх бярозаўскія чыноўнікі не дазволілі пікет.

26.08.2014 Затрыманы Андрусь К. Суд – сёння.

У Менску ў раёне чыгуначнага вакзала ў другой палове дня супрацоўнікі міліцыі затрымалі актывіста ствараемай партыі БХД са Смалявічаў Андруся К. Ён распаўсюджваў незалежную прэсу, каб зарабіць сабе на жыццё.

26.08.2014 Харкаўскі дзёньнік Насты Лойка. Частка ІІ (фота)

Беларуская праваабаронца дзеліцца ўражаньнямі ад валантэрства ў пункце дапамогі перасяленцам у Харкаве ды назіраньнямі за жыцьцём гораду, што знаходзіцца ў дзьвюх гадзінах язды ад самых гарачых кропак у зоне АТА.

26.08.2014 Змітра Крамянецкага прысудзілі да 10 сутак арышту

Адміністратыўная справа актывіста “Маладога фронту” Зміцера Крамянецкага разглядаецца ў судзе Савецкага раёна Менска. Яго вінавацяць у дробным хуліганстве (арт.17.1 КаАП РБ) – брыдкаслоўе. Суддзя – Арцём Бяскішкі.

26.08.2014 Генсакратар АБСЕ: Асноўныя прынцыпы АБСЕ павінны быць абароненыя ва Украіне

Сепаратызм і змены ў межах павінны быць рашуча адхіленыя, а асноўныя прынцыпы АБСЕ мусяць выконвацца падчас крызісу ва Украіне, заявіў Генеральны сакратар АБСЕ Ламберта Заньер падчас Еўрапейскага форума, які прайшоў у аўстрыйскім Альпбаху.

26.08.2014 Незалежны журналіст у судзе аспрэчвае папярэджаньне пракуратуры

Гомельскі незалежны журналіст, сябра ГА «Беларускай асацыяцыі журналістаў» Мікола Бянько ў судзе Цэнтральнага раёна аспрэчвае афіцыйнае папярэджаньне абласной пракуратуры, вынесенае сёлета ў сакавіку за падрыхтоўку інфармацыйных матэрыялаў без акрэдытацыі на замежнае СМІ — Радыё Рацыя, зарэгістраванае на тэрыторыі Польшчы.

26.08.2014 Праваабарончая праграма “Людзьмі звацца!” на Беларускім Радыё Рацыя

“Падзея тыдня”: затрыманне расійскімі памежнікамі і допыт у ФСБ беларускіх актывістаў, якія 23 жніўня ехалі ў Катынь ушанаваць памяць ахвяраў сталінізму. “Асоба. Дзяржава. Грамадства”: вядомы мастак Мікола Купава - сябра аргкамітэту па арганізацыі фэсту да 500-годдзя "Аршанскай бітвы".

26.08.2014 Гомельскі гарвыканкам ухіляецца ад суда

25 жніўня не адбылося прызначанае на гэты дзень паседжанне суда Цэнтральнага раёна Гомеля па скарзе праваабаронцаў Анатоля Паплаўнага і Леаніда Судаленкі да Гомельскага гарадскога выканаўчага камітэта. Прадстаўнік гарвыканкама проста не з’явіўся ў суд.

26.08.2014 Затрыманы маладафронтавец Зьміцер Крамянецкі

Зьмітра Крамяняцкага міліцыянты забралі проста з дома. Пра затрыманьне ягоная дзяўчына паведаміла праваабаронцы Насьце Лойцы.

26.08.2014 Павел Вінаградаў арыштаваны на 10 сутак нібыта за дробнае хуліганства

У судзе Маскоўскага раёна Менску 23 жніўня была разгледжаная адміністратыўная справа актывіста “Zмены” Паўла Вінаградава. Яго пакаралі 10 суткамі арышту нібыта за дробнае хуліганства (арт 17.1 КаАП РБ).