Праваабарончы цэнтр «ВЯСНА»

Навіны за 5 жніўня 2014

05.08.2014 МЗС Чэхіі: Да падтрымкі дэмакратычных сіл у Беларусі мы ставімся сур’ёзна

Міністр замежных справаў Чэхіі Любамір Зааралек 5 жніўня прыняў у Чэрнінскім палацы беларускага праваабаронцу Алеся Бяляцкага - першага лаўрэата прэміі Вацлава Гавела па правах чалавека, які атрымаў гэтую прэстыжную ўзнагароду падчас зняволення.

05.08.2014 Жыхарам Віцебску ўдалося дамагчыся "амаль цвярозай" зоны адпачынку

Пасля масавых зваротаў да гарадскіх уладаў, складання інтэрнэт-петыцый і скаргаў у розныя інстанцыі просьба аматараў актыўнага правядзення часу была задаволена: у зоне адпачынку на набярэжнай Віцьбы больш не прадаюць моцныя спіртовыя напоі.

05.08.2014 Прадстаўнік АБСЕ наведала ў турме праваабаронцу Азімжона Аскарава

Вядомага праваабаронцу і журналіста Азімжона Аскарава, асуджанага да пажыццёвага зняволення, у турме ў Бішкеку наведала кіраўнік дэпартамента БДІПЧ па правах чалавека.

05.08.2014 Праваабаронцы: Змяніць сітуацыю ў Крыме можа толькі моцная грамадзянская супольнасць

Старшыня Крымскай палявой місіі па правах чалавека Андрэй Юраў лічыць, што ў Крыме неабходна ўзмацняць арганізацыі грамадзянскай супольнасці, паколькі за год грамадзянскія свабоды будуць згорнутыя, як у Расіі за 15 гадоў.

05.08.2014 Бяроза: лісты салідарнасці з палітвязнямі

Бярозаўскія праваабаронцы і грамадскія актывісты даслалі лісты ўсім сямі палітвязням для таго, каб выказаць сваю салідарнасць і падтрымку. Такія лісты падтрымкі і святочныя віншаванні з Бярозы сталі ўжо традыцыяй.

05.08.2014 Агляд эўрапейскіх практыкаў прававога рэгуляваньня валянтэрства

Эўрапейскі цэнтар некамэрцыйнага права (ICNL) падрыхтаваў агляд эўрапейскіх практыкаў рэгуляваньня валянтэрскай дзейнасьці. Дасьледаваньне было выкананае на замову Асамблеі дэмакратычных няўрадавых арганізацыяў Беларусі і Цэнтра прававой трансфармацыі (Lawtrend).

05.08.2014 Міліцыянту, які ўдарыў журналіста, Лукашэнка даў ордэн

Ігар Яўсееў вядомы як нястомны барацьбіт за зачыстку Менска ад нязгодных і незадаволеных. Да чэрвеня 2012 года ён быў начальнікам міліцыі грамадзкай бясьпекі Менгарвыканкама, каардынаваў разгоны акцый пратэсту, у тым ліку і разгон Плошчы 19 сьнежня 2010 года.

05.08.2014 Брэст: ад дэпутатаў гарадскога савета зноў патрабуюць паведаміць пра час і месца сустрэч з выбаршчыкамі

Актывісты грамадзянскай ініцыятывы “Сацыяльны офіс” накіравалі паўторны зварот на адрас пяці дэпутатаў мясцовага гарсавета і кіраўніка гэтага прадстаўнічага органа Мікалая Красоўскага.

05.08.2014 Баранавічы: фінансавання на беларускамоўны клас няма

Грамадская актывістка Таццяна Малашчанка атрымала ліст з гарвыканкама за подпісам намесніка старшыні гарвыканкама Дз. Касцюкевіча, у якім паведамляецца, што ў дзяржаўнай установе адукацыі “Гімназія № 4 г. Баранавічы”, куды залічана яе дачка Яся Малашчанка, мовай навучання зацверджана руская.

05.08.2014 У Маладэчне нарастае заклапочанасць дзейнасцю незарэгістраваных прарасійскіх арганізацыяў

Да такой высновы прышлі ўдзельнікі круглага стала, які ладзіўся дэмакратычнымі актывістамі горада 4 жніўня з нагоды Дня салідарнасці з грамадзянскай супольнасцю Беларусі.

05.08.2014 У Камітэт па правах чалавека накіравана скарга палітвязня Эдуарда Лобава

У Камітэт па правах чалавека ААН накіравана скарга палітвязня Эдуарда Лобава. Пра гэта сайту “Вясны” паведаміла кіраўнік ПУ “Беларускі дакументацыйны цэнтр” Раіса Міхайлоўская.

05.08.2014 Праваабарончая праграма “Людзьмі звацца!” на хвалях Беларускага Радыё Рацыя

“Асоба. Дзяржава. Грамадства”: госць рубрыкі – Зміцер Вішнёў, дырэктар кнігарні “Галіяфы”. На мінулым тыдні адміністрацыя Першамайскага раёна Мінска зачыніла гэтую беларускую культурніцкую пляцоўку, якая паспела стаць месцам для цікавых прэзентацыяў і сустрэчаў.

05.08.2014 Брэст: сацыял-дэмакраты скардзяцца ў пракуратуру і дзяржаўны кантроль на мясцовы райвыканкам

Падставай для скаргі з’явіліся звесткі пра тое, што Брэсцкі раённы выканаўчы камітэт аддаў у арэнду прыватнай фірме участак ракі Мухавец працягласцю 10 кіламетраў - ад мяжы горада Брэста да мяжы з Жабінкаўскім раёнам.