Праваабарончы цэнтр «ВЯСНА»

Навіны за 12 жніўня 2014

12.08.2014 Суд прызнаў, што аспрэчваць рашэнні Міністэрства культуры нельга

Калегія па грамадзянскіх справах Мінскага гарадскога суда адмяніла рашэнне суда першай інстанцыі і спыніла судовы працэс у справе будаўніцтва аўтамабільна-пешаходнага маста на запаведнай тэрыторыі Брэсцкай крэпасці.

12.08.2014 АБСЕ заклікае ўлады Украіны адмовіцца ад законапраекта супраць свабоды СМІ

Прадстаўнік АБСЕ Дунья Міятавіч заклікае ўкраінскія ўлады адмовіцца ад заканадаўчых палажэнняў, якія ставяць пад пагрозу свабоду сродкаў масавай інфармацыі і свабодны ток інфармацыі.

12.08.2014 У Бярозе плануюць пікет з нагоды юрыдычнага замацавання незалежнасці Беларусі

Пікет запланаваны на 25 жніўня. Мяркуемая колькасць удзельнікаў -- 10 чалавек у дазволеным уладамі месцы. Мэта пікету: адзначыць гістарычны момант, калі Дэкларацыя пра суверэнітэт БССР набыла статус канстытуцыйнага закону.

12.08.2014 Гомельскі суд разгледзіць скаргу карэспандэнта Радыё Рацыя

У Гомелі карэспандэнт Беларускага Радыё Рацыя Мікола Бянько атрымаў позву на 26-га жніўня, будзе разглядацца яго скарга. Журналіст спрабуе абскардзіць папярэджанне пракуратуры за «незаконную журналісцкую дзейнасць» без акрэдытацыі.

12.08.2014 Камітэт салідарнасьці з Украінай хоча распавесьці на Данбасе, у якіх умовах жывуць беларусы

«Камітэт плянуе на восень паездкі на ўсход Украіны з удзелам бардаў, паэтаў, рэжысэраў», — паведаміла Радыё Свабода сяброўка камітэту, рэжысэрка Вольга Мікалайчык.

12.08.2014 Лідэр "Альтэрнатывы" асуджаны на 10 сутак

Лідар грамадскага аб’яднання “Альтэрнатыва” Алег Корбан асуджаны судом Фрунзенскага раёна Мінска на 10 сутак адміністратыўнага арышту нібыта за "дробнае хуліганства".

12.08.2014 Павел Сапелка пра скажэнні пенітэнцыярнай статыстыкі

На мінулым тыдні былі агучаны дыяметральна процілеглыя заявы пра колькасць зняволеных у Беларусі - ад прэзідэнта Лукашэнкі і інтэрнэт-газеты «Салідарнасць». Праваабаронцы са скептыцызмам паставіліся да вынікаў абодвух падлікаў.

12.08.2014 Заява арыштаванага ў Баку праваабаронцы Інтыгама Аліева

Дадзеная заява была складзена і распаўсюджана юрыстам Анарам Гасімлі пасля сустрэчы з Інтыгамам Аліевым 9 жніўня ў Баку ў Дасудовым цэнтры папярэдняга ўтрымання.

12.08.2014 Віцебск: палітвязня Мікалая Статкевіча павіншавалі з Днём народзінаў (фота)

Гэтай ноччу ў Віцебску на знак падтрымкі Мікалая Статкевіча былі расклеены некалькі дзесяткаў улётак з патрабаваннем ягонага вызвалення. Такім чынам ягоныя віцебскія аднадумцы вырашылі павіншаваць палітыка з Днём нараджэння і нагадаць землякам пра наяўнасць у беларусі палітвязняў, аднім з каторых ёсць і Мікалай Статкевіч.

12.08.2014 Праваабарончая праграма “Людзьмі звацца!” на хвалях Беларускага Радыё Рацыя

“Падзея тыдня”: Масштабная кампанія прэзідэнта Азербайджана Аліева па зачыстцы грамадзянскага поля і рэакцыя міжнароднай супольнасці. “Асоба. Дзяржава. Грамадства”: даследчыцы праблемы смяротнага пакарання ў Беларусі са Свабоднага ўніверсітэта Берліна - Алена Пуліч, Сацік Агекян і Алена Гетцэль.

12.08.2014 Шклоўскія ўлады ігнаруюць звароты грамадзян

Па словах Рыгора Кастусёва, ён вымушаны быў звярнуцца ў пракуратуру Шклоўскага раёна, бо шклоўскія чыноўнікі так і не далі ніякага адказу на яго двухразовыя пісьмовыя звароты з прапановамі на імя старшыні Шклоўскага райвыканкама Аляксандра Бойкі.

12.08.2014 Баранавіцкія актывісты віншуюць Мікалая Статкевіча з Днём народзінаў

Баранавіцкія праваабаронцы і грамадскія актывісты накіравалі палітвязню Мікалаю Статкевічу віншавальную тэлеграму з Днём народзінаў. Яны пажадалі экс-кандыдату ў прэзідэнты цярпення, моцы духа, веры і надзеі, каб ён найхутчэй і датэрмінова атрымаў доўгачаканую свабоду.

12.08.2014 Орша: за абразы і пагрозы рабочаму адміністрацыя адкажа ў судзе

Cправа ў тым, што прадстаўніца адміністрацыі філіяла Аршанскіх электрасетак з-за таго, што Мікалай Прануза пісаў скаргі на імя кіраўніцтва і спрабаваў абараніць свае працоўныя правы пачала абражаць яго і пагражала яму наступствамі за ягоную актыўнасць у прысутнасці іншых рабочых.

12.08.2014 Гомельскі праваабаронца не дамогся выкарыстання беларускай мовы на пошце

Гомельскі праваабаронца, сябра БХК Віктар Адзіночанка атрымаў адказ на свой зварот у Генеральную пракуратуру наконт рэалізацыі права на карыстанне роднай беларускай мовай у дакументацыі на пошце.