Віцебск: палітвязня Мікалая Статкевіча павіншавалі з Днём народзінаў (фота)
Гэтай ноччу ў Віцебску на знак падтрымкі Мікалая Статкевіча былі расклеены некалькі дзесяткаў улётак з патрабаваннем ягонага вызвалення. Такім чынам ягоныя віцебскія аднадумцы вырашылі павіншаваць палітыка з Днём нараджэння і нагадаць землякам пра наяўнасць у беларусі палітвязняў, аднім з каторых ёсць і Мікалай Статкевіч.
12 жніўня Мікалаю Статкевічу спаўняецца 58 гадоў. Экс- кандыдата на прэзідэнцкую пасаду ўзялі пад варту 20 снежня 2010 г., ён асуджаны 26 траўня 2011 г. судом Ленінскага раёна г.Мінску па ч. 1 арт. 293 КК (арганізацыя масавых беспарадкаў) да 6 гадоў пазбаўленьня волі ва ўмовах узмоцненага рэжыму. Рашэннем суда ад 12 студзеня 2012 г. умовы адбыцця пакарання былі змененыя на больш жорсткія: Мікалай Статкевіч быў пераведзены з калоніі №17 у Шклове ў турму №4 г. Магілёва.
