Праваабарончы цэнтр «ВЯСНА»

Навіны за Чэрвень 2012

22.06.2012 Дыскрымінацыя ў беларускіх ізалятарах – пад увагай Камітэта ААН

У рамках справы жыхаркі Брэста Інгі Абрамавай прызначаны тры спецыяльныя дакладчыкі Камітэта ААН па ліквідацыі дыскрымінацыі ў адносінах да жанчын, якія будуць сачыць за становішчам спраў у беларускіх ізалятарах.

22.06.2012 Віцебскі апазіцыянер патрабуе пакараць кіраўнікоў раённых адміністрацый

Сябар Кансерватыўна-Хрысціянскай Партыі БНФ Ян Дзяржаўцаў накіраваў ў Віцебскі гарвыканкам скаргу на чыноўнікаў, якія праігнаравалі ягонае запрашэнне далучыцца да пікетаў 22 красавіка. Актывіст лічыць, што маўчанне ў адказ на ягоную прапанову – гэта паказнік кепскай працы са зваротамі грамадзян.

22.06.2012 Праваабаронцы зьвярнуліся да спэцдакладчыка ААН

Цэнтр прававой трансфармацыі зьвярнуўся да спэцдакладчыка ААН па праваабаронцах у сувязі з пагрозай крымінальнага перасьледу беларускага праваабаронца Андрэя Бандарэнка.

22.06.2012 Павел Сапелка: “Пазбаўленне выбарчага права для тых, хто ўтрымлiваецца пад вартай да вынясення прысуду, не абгрунтавана”

У спісах грамадзян Беларусі, якія маюць права ўдзельнічаць у выбарах, каля 7 мільёнаў выбаршчыкаў. Непасрэдна ў галасаванні, як правіла, прымаюць удзел больш за 5 мільёнаў. За гэтымі лічбамі цяжка заўважыць 40-50 тысяч чалавек, пазбаўленых выбарчага права ў сувязі з крымінальным пераследам.

22.06.2012 Паўла Вінаградава забралі з дому ў міліцыю

Пра гэта ў Фэйсбуку напісала ягоная жонка Святлана. Міліцыянеры з Цэнтральнага РУУС прыйшлі ў кватэру дзесьці ў 22:00. Падрабязнасці пакуль высвятляюцца.

22.06.2012 Польскі МЗС пра арышт Пачобута: «Чарговы доказ кепскай сытуацыі з правамі чалавека»

Міністэрства замежных справаў Польшчы выказала занепакоенасьць у сувязі з арыштам журналіста і кіраўніка Рады «Саюза палякаў на Беларусі» Андрэя Пачобута.

22.06.2012 Арыштаваны Андрэй Пачобут

Журналіст Андрэй Пачобут быў арыштаваны сёння ў сваёй кватэры Гродна. Супраць яго заведзена крымінальная справа паводле артыкулу «паклёп на прэзыдэнта». Падставамі для абвінавачвання сталі артыкулы на сайтах «Хартыя’97» і «Беларускі партызан».

21.06.2012 Супрацоўнікаў міліцыі стала больш, раскрыццё злачынстваў -- знізілася

Пракурор Бялыніцкага раёна, саветнік юстыцыі Міхаіл Андросенка раскрытыкаваў працу мясцовай міліцыі па папярэджанні і раскрыцці крадзяжоў. Сваё меркаванне пракурор выклаў у артыкуле “Крадуць там, дзе дрэнна берагуць”.

21.06.2012 Больш за ўсё замежныя СМІ цікавіць палітыка і правы чалавека ў Беларусі

Гэта паказвае маніторынг публікацыяў, якія з’яўляюцца ў замежнай прэсе, а таксама дасланыя працы на конкурс “Беларусь у фокусе: вачыма міжнародных журналістаў”

21.06.2012 Перад пачаткам акцыі затрыманы Аляксандр Арцыбашаў

Каля 13-00 ў раёне вуліцы Няміга быў затрыманы актывіст моладзевага крыла «Гавары праўду» - «Zмена» Аляксандр Арцыбашаў.

21.06.2012 Баранавічы: талака ля Крыжа сталінскіх ахвяраў

Прадстаўнікі грамадзянскай супольнасці Баранавічаў арганізавалі талаку ля Крыжа сталінскіх ахвяраў. Раней на гэтым месцы ў Баранавічах знаходзілася турма “Крывое кола”, дзе былі замардаваны тысячы нявінных беларускіх грамадзян.

21.06.2012 “Мы будзем трымаць вочы адкрытымі ўвесь выбарчы працэс”

Сёння, 21 чэрвеня, “Праваабаронцы за свабодныя выбары” абвесцілі пра пачатак кампаніі па маніторынгу выбараў дэпутатаў Палаты прадстаўнікоў Нацыянальнага сходу Рэспублікі Беларусь 5-га склікання.

21.06.2012 Абсерваторыя па абароне праваабаронцаў занепакоена новымі абмежаваннямі ў дачыненні да Алеся Бяляцкага

Абсерваторыя па абароне праваабаронцаў, сумесная праграма Міжнароднай федэрацыі за правы чалавека (FIDH) і Сусветнай арганізацыі супраць катаванняў (OMCT), 19 чэрвеня распаўсюдзіла тэрміновую заяву, у якой выказвае занепакоенасць новымі абмежавальнымі мерамі ў дачыненні да Алеся Бяляцкага з боку адміністрацыі калоніі №2 г.Бабруйска.

21.06.2012 Пракуратура вынесла папярэджанне Андрэю Бандарэнку за "дыскрэдытацыю Рэспублікі Беларусь" (дакумент)

Падставай для папярэджання паслужыў зварот ІАУ «Платформа» ў Міжнародную федэрацыю хакея з заклікам не праводзіць Чэмпіянат свету па хакеі ў 2014 г. на тэрыторыі Рэспублікі Беларусь, калі не будуць вызваленыя ўсе палітычныя зняволеныя.

21.06.2012 КДБ аказвае ціск на чальцоў групы Дзмітрыя Уса

На чальцоў ініцыятыўнай групы па змене выбарчага заканадаўства аказваецца націск з боку супрацоўнікаў КДБ і ідэалагічных работнікаў прадпрыемстваў і арганізацый, паведаміў ініцыятар унясення паправак у выбарчае заканадаўства, кандыдат у прэзідэнты на выбарах 2010 года Дзмітрый Ус.