Праваабарончы цэнтр «ВЯСНА»

Навіны за Чэрвень 2012

21.06.2012 Афіцыйны Менск супраць візытаў спэцдакладчыкаў ААН у Беларусь

Спэцдакладчыкі ААН — незалежныя экспэрты, якія не прадстаўляюць ніякай краіны альбо арганізацыі, у тым ліку яны не прадстаўляюць і самую ААН, не атрымліваюць ад ААН ніякага заробку, каб не ўзьнікала сумненьня ў незалежнасьці іх высноваў.

21.06.2012 Чыноўнікі раяць будаўнікам стаць “арганізаванымі гастарбайтарамі”

У Брэсце ледзь ці не кожнаму другому будаўніку давядзецца адправіцца ў камандзіроўку, каб зарабіць грошы: такія высновы варта рабіць з вынікаў пасяджэння аблвыканкама, на якім абмяркоўвалася становішча спраў у будаўнічым комплексе рэгіёна.

21.06.2012 Міліцыянты ламіліся ў кватэру маці экс-палітвязня Фёдара Мірзаянава

Як распавяла Мірзаянава агенцтву БелаПАН, каля 21-й гадзіны ёй пазванілі ў дамафон два міліцыянты, якія запатрабавалі пусціць іх у кватэру, каб пагаварыць пра яе сына. Па словах жанчыны, яны размаўлялі гучна, каб чулі суседзі. Мірзаянава ўпэўненая, што такім чынам яны фармуюць вакол яе негатыўную атмасферу.

20.06.2012 Полацк: Рада беларускай інтэлігенцыі заклікае да байкоту выбараў і стварэння кааліцыі

У Полацку адбылася сустрэча мясцовых актывістаў з прадстаўнікамі Рады беларускай інтэлігенцыі. Па словах выступоўцаў, улады даўно ператварылі выбары ў пастановачны фарс, пазбавіўшы беларускі народ канстытуцыйнага права выбіраць або быць абранымі. Жорсткай крытыцы падвергліся і апазіцыйныя партыі.

20.06.2012 На будоўлях да “Дажынак” - халатнасць і безадказнасць

За апошнія месяцы на будоўлях, якія вядуцца да “Дажынак” у Горках, адбылося сем няшчасных выпадкаў, двое з якіх - цяжкія. Начальнік Горацкай міжраённай інспекцыі аховы працы Уладзімір Дзюрыч лічыць, што прыйшоў час біць ва ўсе званы.

20.06.2012 Аршанскія дэмакраты будуць супольна назіраць за выбарамі

Прадстаўнікі АГП, БНФ, “Справядлівага свету”, БХД, БСДП, руху “За Свабоду” ды іншых арганізацый прынялі рашэнне вылучыць сваіх прадстаўнікоў у акруговыя і ўчастковыя выбарчыя камісіі, а таксама вылучыць з ліку сваіх валанцёраў назіральнікаў на пасяджэнні камісій усіх узроўняў.

20.06.2012 ПАВЕДАМЛЕННЕ ДЛЯ ЖУРНАЛІСТАЎ

“Праваабаронцы за свабодныя выбары” запрашаюць на прэс-канферэнцыю, прысвечаную пачатку кампаніі па маніторынгу выбараў дэпутатаў Палаты прадстаўнікоў Нацыянальнага сходу Рэспублікі Беларусь 5-га склікання. Прэс-канферэнцыя адбудзецца 21 чэрвеня ў офісе Праваабарончага цэнтру “Вясна”, пачатак – у 12 гадзін.

20.06.2012 Чацвёра суддзяў, якія выносілі прыгаворы апазіцыянерам, пазбавіліся сваіх пасад

Аляксандр Лукашэнка ўказам № 278 ад 18 чэрвеня вызваліў ад займаных пасад шэраг суддзяў, у тым ліку тых, хто выносіў абвінаваўчыя прыгаворы прадстаўнікам апазіцыі і за гэта ўключаны ў спіс неўязных у краіны ЕС.

20.06.2012 Барысаў: каля чатырох тысяч пакупнікоў падпісаліся супраць пераносу аўтарынка (відэа)

Па рашэнні мясцовай улады барысаўскі аўтарынак у кастрычніку бягучага года будзе перанесены з цэнтра горада на ўскраіну. Індывідуальных прадпрымальнікаў, якія гандлююць на рынку, у барацьбе за права працаваць на старым месцы падтрымліваюць пакупнікі.

20.06.2012 Нарэзка выбарчых акругаў на Аршаншчыне практычна не змянілася

Межы выбарчых акругаў у Аршанскім рэгіёне не зведалі істотных змен у параўнанні з папярэднімі выбарамі ў Палату Прадстаўнікоў, якія прайшлі ўвосень 2008 года.

20.06.2012 Мінюст не ўключаў Гары Паганяйлу ў базу невыязных

Учора ў судзе Маскоўскага раёна адбыўся разгляд скаргі кіраўніка юрыдычнай службы праваабарончага ГА «Беларускі Хельсінкскі камітэт» Гары Паганяйлы на дзеянні МУС і Мінюста. Скарга датычыцца незаконнага ўключэння спадара Паганяйлы ў спісы невыязных. Працэс вядзе суддзя Вольга Глушакова.

20.06.2012 Бялыніцкія чыноўнікі-прапагандысты распавядуць працоўным пра дасягненні ў развіцці Магілёўскай вобласці

На 21 чэрвеня ў Бялыніцкім раёне запланаванае правядзенне чарговага “адзінага дня інфармавання насельніцтва”. 53 раённыя чыноўнікі розных рангаў наведаюць арганізацыі і прадпрыемствы раёна. Большасць сустрэч запланаваны ў працоўны час, аднак згоды на гэта ў саміх працоўных ніхто не пытаўся.

20.06.2012 У Шчучынскім раёне працягваецца вынішчэнне дрэваў

На Гарадзеншчыне працягваецца вынішчэнне дрэваў у населеных пунктах і абапал дарогаў. На першае месца ў гэтай незразумела кім абвешчанай “вайне” імкнуцца зараз выйсці ўлады Шчучынскага раёну.

20.06.2012 Новыя праверкі ў Літве ў сувязі са скандалам па справе Бяляцкага

Галоўная камісія па службовай этыцы падазрае, што расследаваннем інцыдэнта ў Мінюсце “займаліся” тыя ж чыноўнікі, якія і “злілі” дакументы на праваабаронцу.

20.06.2012 Суд адмовіў Паўлу Сяргею ў альтэрнатыўнай службе

Маладэчанскі раённы суд адмовіў актывісту міжнароднай моладзевай арганізацыі «Малады фронт» (Чэхія) Паўлу Сяргею ў задавальненьні скаргі на рашэньне прызыўной камісіі аб прызнаньні яго прыдатным да службы ў войску. Такое рашэньне прыняла 19 чэрвеня судзьдзя Марыя Абрамава.