Праваабарончы цэнтр «ВЯСНА»

Навіны за Чэрвень 2012

26.06.2012 Судовае паседжанне па забароне велапрабега прызначана на 4 ліпеня

На мінулым тыдні ў судзе Салігорскага раёна адбылася дасудовая гутарка прадстаўнікоў мясцовага выканкаму і заяўніка маладафронтаўскага велапрабегу Андрэя Тычыны. Падчас сустрэчы пытанне аб прымірэнні бакоў нават не ўздымалася.

26.06.2012 Падатковая інспекцыя як сродак ціску перад выбарамі

Пасля таго, як глыбоцкі актывіст Яраслаў Берніковіч колькі разоў публічна заявіў пра сваё жаданне балатавацца ў парламент, на фірму, дзе ён з'яўляецца заснавальнікам, прыйшла з пазапланавай праверкай падатковая інспекцыя.

25.06.2012 У вянок памяці Праваабаронцы

Дзевяць дзён таму, 17 чэрвеня заўчасна пайшоў з жыцця вядомы беларускі праваабаронца Барыс Ігаравіч Звозскаў. Ён быў адным з заснавальнікаў аб'яднання "Прававая ініцыятыва", першым прэзідэнтам Беларускага Дома правоў чалавека, у 2008-м годзе быў уганараваны прэміяй "Праваабаронца года Беларусі". Калегі па праваабарончай дзейнасці з розных краін дзеляцца сваімі светлымі ўспамінамі пра Чалавека і Праваабаронцу з вялікай літары.

25.06.2012 Упартага фронтаўца вылучылі ў склад акруговай камісіі ў Оршы

Пасля таго, як у 2003 годзе Аляксандр Шутаў адмовіўся падпісаць выніковы пратакол тэрытарыяльнай камісіі па выбарах у Аршанскі гарсавет з-за маючых месца на яго думку парушэнняў заканадаўства, улады яго ў такія камісіі больш не прапускалі.

25.06.2012 Выканкамы Аршанскага рэгіёна інфармуюць пра “Выбары – 2012” вельмі сціпла

Асобная рубрыка “Выбары – 2012” з’явілася на сайтах гар- і райвыканкамаў Аршанскага рэгіёна. Праўда, набор інфармацыі на іх аднастайны і небагаты. Пальму першынства ў асвятленні выбараў трымае сайт Талачынскага райвыканкама.

25.06.2012 Рада ААН па правах чалавека абмяркоўвае незалежнасьць судзьдзяў і адвакатаў

Сёньня на 20-ай сэсіі Рады ААН па правах чалавека ў Жэнэве адбываюцца інтэрактыўныя дыялёгі па дзьвюх справаздачах: спэцдакладчыкаў ААН у пытаньнях незалежнасьці судзьдзяў і адвакатаў і па праблемах гвалту супраць жанчын

25.06.2012 Бабруйчанін будзе дабівацца права на альтэрнатыўную службу ў абласным судзе

Бабруйскі 22-гадовы праграміст Алег Яўзрэзаў трэці раз будзе спрабаваць дамагчыся права на альтэрнатыўную службу. Дагэтуль ён атрымаў адмову з прызыўной камісіі, мясцовы суд таксама не стаў на бок маладога чалавека.

25.06.2012 У Бабруйску выбаршчыкаў стала больш

З дня абвяшчэння выбараў газета гарвыканкама “Бабруйскае жыццё” выходзіла ўжо двойчы, але цікавасці да гэтага працэса там пакуль не назіраецца. Мясцовыя газеты, відаць, больш заклапочаныя падрыхтоўкай да фестывалю “Вянок дружбы”, што пройдзе ў горадзе ў хуткім часе.

25.06.2012 У Віцебскай вобласці з'явіўся ўжо другі трацейскі суд

Ён будзе дзейнічаць суд пры ўстанове адукацыі «Віцебскі дзяржаўны універсітэт ім. П. М. Машэрава ». У склад суду ўвайшлі выкладчыкі гэтай навучальнай установы. Гэта альтэрнатыўны спосаб абароны правоў, калі самі бакі, без умяшання дзяржавы, вырашаюць свой прававы канфлікт з дапамогай незалежных асобаў.

25.06.2012 Невядомыя ўзламалі электронную пошту і твітар Віталя Рымашэўскага

Невядомыя ўзламалі электронную пошту, адрас якой быў змешчаны на сайце Rymasheuski.org, і твітар сустаршыні Беларускай Хрысціянскай Дэмакратыі Віталя Рымашэўскага, якія былі створаныя падчас правядзення прэзідэнцкай кампаніі 2010 года і напрацягу доўгага часу не выкарыстоўваліся.

25.06.2012 Моўчан адмовіўся падпісваць міліцэйскі пратакол

Зьбіты міліцыянтамі актывіст «Эўрапейскай Беларусі» Андрэй Моўчан адмовіўся падпісаць пратакол, у якім напісана, што ён не падпарадкоўваўся супрацоўнікам міліцыі.

25.06.2012 Civil Rights Defenders пратэстуюць супраць ціску на Алеся Бяляцкага

“Міжнародная праваабарончая арганізацыя Civil Rights Defenders глыбока занепакоеная з прычыны цяпершняга стану Алеся Бяляцкага”, — гаворыцца ў адкрытым лісце выканаўчага дырэктара арганізацыі Роберта Хорда, дасланым на адрас прэзідэнта Беларусі Аляксандра Лукашэнкі ў сувязі з фактамі ціску на старшыню ПЦ “Вясна”.

25.06.2012 Беларусы могуць атрымаць шэнгенскую візу на два і болей гадоў у консульстве Літвы

Дырэктар консульскага дэпартаменту МЗС Літоўскай Рэспублікі пацвердзіў прадстаўнікам кампаніі “У Беларусь і Еўропу – БЕЗ ВІЗЫ!” права беларусаў на атрыманне шэнгенскіх візаў на два і болей гадоў.

25.06.2012 “Назіранне за выбарамі: тэорыя і практыка” накіруе маладых беларусаў назіраць за парламенцкімі выбарамі

Моладзевае назіранне пачнецца з першага дня датэрміновага галасавання – 18 верасня 2012 году. Назіральнікі будуць сачыць за выкананнем усіх нормаў, што прадугледжаныя заканадаўствам, а паводле вынікаў падрыхтуюць папярэднюю і заключную справаздачы.

25.06.2012 Паўночная Магілёўшчына: увага да маючых адбыцца выбараў невялікая

Бялыніцкая раённая газета “Зара над Друццю” пачала публікацыю матэрыялаў перадвыбарчай тэматыкі ў спецыяльнай рубрыцы “Выбары-2012”. Іншыя дзяржаўныя раённыя газеты паўночнай Магілёўшчыны вялікай увагі маючым адбыцца выбарам у Нацыянальны Сход пакуль не надаюць.