Праваабарончы цэнтр «ВЯСНА»

Навіны за Чэрвень 2012

25.06.2012 Аналітычная тыднёвая справаздача па выніках назірання: 18-24 чэрвеня

Выбарчая кампанія пачынаецца ў неспрыяльных умовах, на фоне палітычных рэпрэсій, ва ўмовах ціску на апазіцыю і грамадзянскую супольнасць. У турмах працягваюць знаходзіцца палітычныя вязні, а нядаўні арышт незалежнага журналіста Андрэя Пачобута сведчыць аб узмацненні рэпрэсій у адносінах да незалежных СМІ.

25.06.2012 Ярмошына: «Без удзелу ў выбарах партыі не атрымаюць сродкаў»

Старшыня ЦВК Лідзія Ярмошына ў эфіры тэлеканала «Беларусь 1» назвала PR-кампаніяй заклікі некаторых палітычных партый да байкоту парлямэнцкіх выбараў.

25.06.2012 Сяргей Каваленка на 10 сутак змешчаны ў ШЫЗА Магілёўскай калоніі №19

Алена Каваленка атрымала трывожны ліст ад мужа, датаваны 17 чэрвеня. Палітвязень піша, што ўмовы ўтрымання для яго адмыслова строгія: адміністрацыя персанальна правярае ягоную тумбачку, за ім усталяваны персанальны нагляд, яго не пускаюць на спортпляцоўку. Ён згадвае таксама, што яму залічылі ўжо два парушэнні.

25.06.2012 Прыхільнікі байкоту прынялі зварот да будучых сябраў выбаркамаў

У Брэсце адбылася сустрэча прадстаўнікоў Рады беларускай інтэлігенцыі з мясцовымі грамадскімі актывістамі і шараговымі сябрамі партый. Галоўнай тэмай для абмеркавання стала сітуацыя, што склалася ў Беларусі падчас абвяшчэння новай выбарчай кампаніі, а таксама мэтазгоднасці ўдзелу у ёй.

24.06.2012 Інтэрактыўная пляцоўка грамадзянскага маніторынгу за выбарамі electby.org аднавіла працу

Асноўная функцыя Electby.org – гэта збор паведамленьняў пра выбарчую кампанію ад грамадзянаў і іх аўтаматычная візуалізацыя на мапе Беларусі.

24.06.2012 Баранавічы: пятая забарона пікету “За выбары па законах і Канстытуцыі”

Гарвыканкам лічыць, што Рыгор Грык парушыў арт. 6 Закона “Аб масавых мерапрыемствах”. Праўда, якую канкрэтна норму закона парушыў заяўнік, супрацоўнік ідэалагічнага аддзела гарвыканкама Сяргей Пяцігораў традыцыйна адмаўляецца называць.

24.06.2012 Віцебскаму праваабаронцу адмовілі ў правядзенні пікету

Паводле Паўла Левінава, мэтай пікету было інфармаванне грамадзян пра выкананне Рэспублікай Беларусь Канвенцыі супраць катаванняў, жорсткага і зневажальнага абыходжання. Ён хацеў правесці свае акцыі 26 чэрвеня, у Міжнародны дзень барацьбы супраць катаванняў.

24.06.2012 Справа аб выбарах Рады кірмашу: суд адмаўляецца запатрабаваць спіс галасаваўшых

Адбылося пасяджэнне Брэсцкага абласнога гаспадарчага суда па скарзе Мікалая Чарнавуса на адміністрацыю Баранавіцкага каапрынку, якая выбрала новую Раду кірмашу, на думку заяўніка, з парушэннем заканадаўства.

24.06.2012 Баранавіцкае дзяржвыданне ўжо рыхтуе выбаршчыкаў да датэрміновага галасавання

Баранавіцкая дзяржаўная газета “Наш край” ужо нагадвае аб праве грамадзян на датэрміновае галасаванне на працягу тыдня (!?) да дня выбараў (згодна з Выбарчым кодэксам, датэрміновае галасаванне ажыццяўляецца толькі 5 дзён) .

24.06.2012 У Брэсце прэзентавалі стратэгію АГП на парламенцкіх выбарах

З гэтай мэтай горад наведалі старшыня Аб’яднанай грамадзянскай партыі Анатоль Лябедзька і дырэктар Усходнееўрапейскай школы палітычных даследванняў Аляксандр Дабравольскі.

24.06.2012 У Бялыніцкім раёне змагацца з алкагалізмам будуць шляхам забаронаў

Бялыніцкі райвыканкам прыняў рашэнне ў якасці эксперымента з 1 ліпеня па 1 жніўня ўвесці часовае абмежаванне па рэалізацыі прадпрыемствамі гандлю ўсіх формаў уласнасці пладова-ягадных вінаў і вінных напояў ў Бялынічах і на тэрыторыі Вішоўскага сельсавета.

24.06.2012 Прызначэнне новага “галоўнага міліцыянта” ў Віцебску адзначылі ўлёткамі і графіці

У Віцебску адзначаюцца так званыя “Дні горада”, і гэта першыя святкаванні ў абласным цэнтры, калі правапарадак супрацоўнікі міліцыі ахоўваюць на чале з новым кіраўніком абласной управы МУС.

23.06.2012 Баранавіцкая сельская акруга павялічылася больш чым на 13 тысяч выбаршчыкаў

У Баранавічах межы выбарчых акругаў не змяніліся, затое моцна змянілася Баранавіцкая сельская выбарчая акруга. У Баранавічах колькасць выбаршчыкаў павялічылася ўсяго на 2 410 чалавек, у сельскай акрузе -- на 13 тыс. 630 чалавек.

23.06.2012 У Гарадоцкім раёне пра выбары не ведаюць?

Афіцыйны сайт Гарадоцкага райвыканкама – адзіны з усіх "райвыканкамаўскіх" сайтаў Віцебшчыны, дзе няма інфармацыі пра будучыя парламенцкія выбары. На старонках іншых райвыканкамаў з'явіліся цэлыя рубрыкі з указам пра прызначэнне даты выбараў і каляндарным планам.

23.06.2012 Адміністрацыйны працэс над святаром расцягваецца

22 чэрвеня ў Гародні быў працягнуты суд над святаром Мікалаем Гайдуком, якога вінавацяць у непадпарадкаванні супрацоўнікам міліцыі пры патрабаванні прайсці дактыласкапічную рэгістрацыю.