Праваабарончы цэнтр «ВЯСНА»

Навіны за Ліпень 2011

21.07.2011 Яўген Васьковіч зноў трапіў у карцар, бо не хацеў аддаваць Біблію

Бабруйскага журналіста, асуджанага за спробу падпалу КДБ, другі раз пакаралі за “парушэнне ўнутранага распарадку”.

21.07.2011 Гомель: экс-кандыдат у дэпутаты Марыя Багдановіч звярнулася ў ААН

У сваёй скарзе актывістка адзначыла, што падчас правядзення выбараў у 2010 годзе ў мясцовыя Саветы яна з’яўлялася афіцыйна зарэгістраваным кандыдатам па Малайчукоўскай выбарчай акрузе № 5 у Гомелі. У адзін з дзён папярэдняга галасавання яе давераныя асобы зафіксавалі 76 выбаршчыкаў, якія з’явіліся для галасавання, у той час як камісія агучыла лічбу ў 263 выбаршчыкі. Кандыдат у дэпутаты вырашыла даведацца, адкуль выбарчая камісія ўзяла 187 "мёртвых душ" і пайшла па інстанцыях.

21.07.2011 Віктара Канцавенку з Рэчыцы прызналі палітычным уцекачом

Рэчыцкі грамадзкі актывіст Віктар Канцавенка, які ачольваў на Гомельшчыне перадвыбарчы штаб экс-кандыдата ў прэзыдэнты Мікалая Статкевіча, атрымаў у Польшчы афіцыйны статус палітычнага ўцекача. Гэты статус яму надала 12 ліпеня Варшаўская ўправа па справах замежнікаў.

21.07.2011 Невядомы ў цывільным зьбіваў і пагражаў затрыманаму

Затрыманы 6 ліпеня на плошчы Бангалор і арыштаваны на 10 сутак Антон Рулёў заяўляе пра тое, што пасьля затрыманьня невядомы ў цывільным ударыў яго і пагражаў знайсьці ў яго наркотыкі.

21.07.2011 У Магілёве суд не задаволіў скаргі “маўчуноў”

Сёння, 21 ліпеня, Магілёўскі абласны суд не задаволіў скаргі праваабаронцы Барыса Бухеля, журналістаў Алеся Асіпцова, Аліны Скрыбуновай, Ганна Ільіной і грамадскага актывіста Валянціна Лабачова.

21.07.2011 Акцыя салідарнасьці ў Канадзе

20 ліпеня, у сераду, група беларусаў Таронта сабралася каля будынку Гарадзкой управы (City Hall), каб распаўсюдзіць сярод мінакоў улёткі аб сытуацыі ў Беларусі.

21.07.2011 Арыштаваны паскардзіўся на ўмовы ўтрыманьня на Акрэсьціна і ў Жодзіна

Арыштаваны на 10 сутак за ўдзел у акцыі 3 ліпеня напісаў скаргі на ўмовы ўтрыманьня ў ЦІП на Акрэсьціна і ІЧУ ў Жодзіна.

20.07.2011 У клубе "6А" затрымалі зь невядомых прычынаў больш за 10 чалавек

Прыкладна каля 21 гадзіны падчас канцэрту ў клубе "6А" ў Менску затрымалі і даставілі ў Ленінскі РАУС больш за 10 чалавек. Нагодай для затрыманьня стала нібыта праверка на алкаголь.

20.07.2011 20 ліпеня ў рэгіёнах: адзінкавыя затрыманні “маўклівых”

Сёння ў беларускіх гарадах і мястэчках удзельнікі “Рэвалюцыі праз сацыяльныя сеткі” збіраліся на цэнтральных плошчах. Удзельнікаў дзевятай па ліку акцыі маўклівага пратэсту былі дзесяткі, затрыманняў – адзінкі.

20.07.2011 Затрыманьні на “маўклівай акцыі” 20 ліпеня ў Менску (абнаўляецца)

У Менску прайшла чарговая акцыя “маўклівага пратэсту”. Удзельнікі сабраліся на Кастрычніцкай плошчы. Навакольныя вуліцы і двары былі запоўненыя міліцыянтамі, АМАПаўцамі і асобамі ў цывільным. Скрайняя левая паласа дарогі ўздоўж праспекта Незалежнасьці перакрытая.

20.07.2011 Сяржук Алексіевіч уцёк ад міліцыянтаў

Пра гэта брэсцкі актывіст сам паведаміў Еўрарадыё.

20.07.2011 У Брэсце затрыманы непаўналетні Сяржук Алексіевiч

Як паведамiў грамадскi актывiст Iван Стасюк, хлопца проста трымаюць у пастарунку без складання пратакола. Прычына затрымання невядомая. Таксама Сержука пазбавiлi магчымасцi патэлефанаваць бацькам.

20.07.2011 Кантакты праваабаронцаў у Мінску і рэгіёнах

З вашай дапамогай мы зможам весці больш якасны маніторынг сітуацыі з правамі чалавека па ўсёй краіне і распаўсюджваць больш дакладную інфармацыю. Каб паведаміць пра незаконныя затрыманні і іншыя факты пераследу грамадзянаў у рэгіёнах Беларусі, звяртайцеся, калі ласка, да мясцовых праваабаронцаў, журналістаў і валанцёраў, чые кантакты падаюцца ніжэй.

20.07.2011 Генпракурор лічыць, што супрацоўнікі органаў унутраных спраў павінны быць у форме

Правы журналістаў не могуць парушацца, заявіў на прэс-канферэнцыі генпракурор Беларусі Рыгор Васілевіч. “На адрас міністра ўнутраных спраў я накіраваў ліст, дзе адзначыў, што ёсць правы ў журналістаў, яны замацаваныя ў Законе "Аб сродках масавай інфармацыі", у тым ліку ў артыкуле 34 – больш дэталёва. Я падкрэсліў, што правы журналістаў не могуць парушацца”.

20.07.2011 Зміцер Дашкевіч сустракае юбілей у карцары

Сёння Наста Палажанка паехала ў горацкую калонію, каб павіншаваць Змітра Дашкевіча з 30-годзьдзем. Аднак замест спаткання з палітвязнем дзяўчына даведалася непрыемную навіну і выслухала шматлікія абразы ў сваю адрэсу ад кіраўніка калоніі А.Кавалёва.