Праваабарончы цэнтр «ВЯСНА»

Навіны за 21 ліпеня 2011

21.07.2011 Падчас акцыі "Стоп-бензін" затрымана прынаймней 4 чалавекі

Падчас акцыі “Стоп-бензін” у Менску было затрымана прынаймней 4 чалавекі. Іх даставілі ў Цэнтральны РАУС і склалі пратаколы за няправільную паркоўку. Пасьля ўсіх затрыманых адпусьцілі.

21.07.2011 Пытанне жыцця і смерці застаецца адкрытым

Ці быў выкананы смяротны прысуд, вынесены 14 траўня 2010 года Гарадзенскім абласным судом Алегу Грышкаўцову і Андрэю Бурдыку? Інфармацыя пра гэта з’явілася 20 ліпеня ў розных СМІ са спасылкай на незалежнае выданне “Вечерний Гродно”. Аднак праваабаронцы нечакана знайшлі яшчэ адно паведамленне.

21.07.2011 Кіраўнікі БАЖ сустрэліся з намеснікам міністра ўнутраных спраў

У чацвер раніцай намеснікі старшыні ГА «БАЖ» Андрэй Бастунец і Аляксандр Старыкевіч пабывалі на прыёме ў намесніка міністра ўнутраных спраў, начальніка міліцыі грамадскай бяспекі Яўгена Палудзеня. Нагадаем, што на пачатку ліпеня БАЖ накіроўваў у МУС запыт наконт сустрэчы з міліцэйскім кіраўніцтвам.

21.07.2011 «Малады фронт» просіць дапамагчы выратаваць Зьмітра Дашкевіча

«Малады Фронт» заклікае ўсіх неабыякавых людзей аб дапамозе. Кіраўніцтва арганізацыі просіць пісаць адміністрацыі калоніі горацкай калоніі №9, дзе Дашкевіч зараз знаходзіцца ў штрафным ізалятары, тэлефанаваць ім, і прасіць пакінуць у спакоі маладога чалавека.

21.07.2011 Барысаў: арышты на пяць сутак

21 ліпеня ў Барысаве судзілі затрыманых учора сябра АГП Мікалая Віторскага і фотакарэспандэнта сайта ex-press.by Аляксандра Зянкова. Суддзя Лідзія Малчанава пакарала іх адміністратыўнымі арыштамі на пяць сутак. Ноч да суду затрыманыя правялі ў ізалятары часовага ўтрымання. Як распавяла ex-press.by Вікторыя Зянкова, жонка пакаранага фотакарэспандэнта, суддзя змагла зрабіць працэс “закрытым”.

21.07.2011 З-за затрымання на 8 сутак Анатоля Сыцько звольнілі з МАЗа

З-за затрымання на 8 сутак, Анатоля Сыцько звольнілі з МАЗа, паставіўшы ультыматум: «Ці сам пішаш заяву, або звальняем паводле артыкулу, а прычыну апошняга лёгка знойдзем».

21.07.2011 У Наваполацку справу затрыманых сына і маці адправілі на дапрацоўку

Юрыя Рудкоўскага і ягоную маці Людмілу Рудкоўскіх міліцыянты затрымалі пасьля акцыі маўклівага пратэсту ў Наваполацку. Сёньня над імі меўся адбыцца суд, але справу адправілі на дапрацоўку.

21.07.2011 Сёння ідуць суды ў Менску (абнаўляецца)

21 ліпеня ў райсудах Менску будуць разглядацца адміністратыўныя справы затрыманых у “маўклівую сераду” 20 ліпеня.

21.07.2011 Суды над жыхарамі Заслаўля перанесены

У судзе Менскага раёна і г. Заслаўля сёння распачаўся разгляд адміністратыўных справаў чатырох чалавек, затрыманых увечары 21 ліпеня ў Заслаўлі - Івана Івончыка, Андрэя Клюкіна, Юрыя Паўлава і Сяргея Сілкова. Іх вінавацяць у парушэнні артыкула 23.34 КаАП (удзел у несанкцыянаваным мерапрыемстве). Працэсы перанесены на 28 ліпеня і 4 жніўня, “правапарушальнікі” павінны будуць з’явіцца ў суд па позве.

21.07.2011 Яўген Васьковіч зноў трапіў у карцар, бо не хацеў аддаваць Біблію

Бабруйскага журналіста, асуджанага за спробу падпалу КДБ, другі раз пакаралі за “парушэнне ўнутранага распарадку”.

21.07.2011 Гомель: экс-кандыдат у дэпутаты Марыя Багдановіч звярнулася ў ААН

У сваёй скарзе актывістка адзначыла, што падчас правядзення выбараў у 2010 годзе ў мясцовыя Саветы яна з’яўлялася афіцыйна зарэгістраваным кандыдатам па Малайчукоўскай выбарчай акрузе № 5 у Гомелі. У адзін з дзён папярэдняга галасавання яе давераныя асобы зафіксавалі 76 выбаршчыкаў, якія з’явіліся для галасавання, у той час як камісія агучыла лічбу ў 263 выбаршчыкі. Кандыдат у дэпутаты вырашыла даведацца, адкуль выбарчая камісія ўзяла 187 "мёртвых душ" і пайшла па інстанцыях.

21.07.2011 Віктара Канцавенку з Рэчыцы прызналі палітычным уцекачом

Рэчыцкі грамадзкі актывіст Віктар Канцавенка, які ачольваў на Гомельшчыне перадвыбарчы штаб экс-кандыдата ў прэзыдэнты Мікалая Статкевіча, атрымаў у Польшчы афіцыйны статус палітычнага ўцекача. Гэты статус яму надала 12 ліпеня Варшаўская ўправа па справах замежнікаў.

21.07.2011 Невядомы ў цывільным зьбіваў і пагражаў затрыманаму

Затрыманы 6 ліпеня на плошчы Бангалор і арыштаваны на 10 сутак Антон Рулёў заяўляе пра тое, што пасьля затрыманьня невядомы ў цывільным ударыў яго і пагражаў знайсьці ў яго наркотыкі.

21.07.2011 У Магілёве суд не задаволіў скаргі “маўчуноў”

Сёння, 21 ліпеня, Магілёўскі абласны суд не задаволіў скаргі праваабаронцы Барыса Бухеля, журналістаў Алеся Асіпцова, Аліны Скрыбуновай, Ганна Ільіной і грамадскага актывіста Валянціна Лабачова.

21.07.2011 Акцыя салідарнасьці ў Канадзе

20 ліпеня, у сераду, група беларусаў Таронта сабралася каля будынку Гарадзкой управы (City Hall), каб распаўсюдзіць сярод мінакоў улёткі аб сытуацыі ў Беларусі.