Праваабарончы цэнтр «ВЯСНА»

Навіны за Травень 2011

27.05.2011 Аштрафавалі грамадскую актывістку Святлану Рудкоўскую

Сябру Беларускага Хельсінскага Камітэту ў Гародні Святлану Рудкоўскую аштрафавалі на суму ў чатыры базавых велічыні. Адміністрацыйная справа, якую, на думку Святланы, сфабрыкаваў супраць яе начальнік Ленінскага РАУС так і не мае лагічнага завяршэння. У віну ёй выставілі нібыта прафесійныя ўпушчэнні на працы ў якасці старшыні жыллёвага кааператыву.

27.05.2011 У Гродна затрымалі двух журналістаў і жонку Андрэя Пачобута

Зараз яны знаходзяцца ў будынку Гродзенскай абласной пракуратуры.

27.05.2011 “Рэпарцёры без межаў” выказалі занепакоенасць у сувязі з ануляваннем візы Яўгену Вапу

Кіраўніцтва міжнароднай арганізацыі “Рэпарцёры без межаў” занепакоена дзеяннямі беларускіх уладаў у дачыненні да старшыні ўправы Радыё Рацыя Яўгена Вапы.

27.05.2011 У былых асуджанных сур’ёзныя праблемы з адаптацыяй да жыцця на волі

У Бялыніцкім раёне Магілёўскай вобласці пражываюць 62 нідзе непрацуючыя раней судзімыя асобы. Усе яны маюць патрэбу ў рэсацыялізацыі. Пры гэтым, згодна дадзеных афіцыйнай статыстыкі, у Бялыніцкім раёне на ўліку знаходзіцца ўсяго 76 беспрацоўных, з якіх толькі 40 чалавек атрымлівае дапамогу па беспрацоўю.

27.05.2011 Затрыманы юрыст царквы “Новае жыццё”

Cупрацоўнікі міліцыі Цэнтральнага раёна Мінска 26 траўня затрымалі юрыста пратэстанцкай суполкі “Новае жыццё” Сяргея Луканіна.

27.05.2011 Прысуд анархістам – у 14-00

Сёння павінны вынесці прысуд пяці анархістам. Пракурор папрасіў для іх ад 3 да 9 гадоў пакарання абмежаваннем і пазбаўленнем волі.

27.05.2011 У Магілёве адмоўлена ў рэгістрацыі грамадскаму аб’яднанню

“Нерэгістрацыя арганізацыі з’яўляецца індыкатарам таго, што ў нас у грамадстве праблемы не толькі з курсам даляра, але і з дэмакратыяй уцэлым. Чыноўнікі не зацікаўлены ў развіцці грамадскага сектара”, - адзначае кіраўнік “Магілёўскага цэнтра стратэгічнага развіцця “Імпульс” Ігар Барысаў.

27.05.2011 Заклік Беларускага Радыё Рацыя ў сувязі з ануляваннем уязной візы Яўгену Вапу і бестэрміновай забаронай на ўезд у Рэспубліку Беларусь

Шаноўнае спадарства, 23 траўня 2011 г., беларускія памежныя службы анулявалі Яўгену Вапу – старшыні ўправы Радыё Рацыя і галоўнаму рэдактару Тыднёвіка беларусаў у Польшчы «Ніва», уязную візу.

27.05.2011 Бягомльскія ветэраны абураюцца ўспамінамі земляка і палохаюць журналіста Камітэтам дзяржбяспекі

Ветэранская арганізацыя мястэчка Бягомль, што ў Докшыцкім раёне, сабралася на пазачарговы сход пасля публікацыі на мясцовым рэгіянальным сайце ўспамінаў старажылы Канстанціна Гайдука.

26.05.2011 Паляванне на "Еўрапейскую Беларусь" працягваецца вечарам

Андрэя Молчана прыкавалі да батарэі ў пад'ездзе яго сябра. Засада спецслужбаў пагражала турмой і пыталася, хто інфармаваў пра яго ранішні допыт журналістаў.

26.05.2011 Прысуды за Плошчу. МІКОЛУ СТАТКЕВІЧУ -- 6 ГАДОЎ. ДЗМІТРЫЮ УСУ -- 5,5. АЛЯКСАНДРУ КЛАСКОЎСКАМУ - 5 ГАДОЎ ЗНЯВОЛЕННЯ

Дзмітрыю Буланаву - 3 гады, Аляксандру Квяткевічу - 3,5, Арцёму Грыбкову - 4 гады калоніі. Андрэю Пазняку - 2 гады "хіміі" без накіравання ў папраўчыя ўстановы. Прысуды двум экс-кандыдатам у прэзідэнты і яшчэ пяці ўдзельнікам Плошчы-2010 абвешчаныя ў Ленінскім судзе Мінска суддзёй Людмілай Грачовай. Дзмітрый Ус узяты пад варту ў зале суда. Андрэя Пазняка, наадварот, выпускаюць.

26.05.2011 Міністэрства замежных спраў Польшчы і Управа Радыё Рацыя прынялі заявы ў абарону журналіста Яўгена Вапы

24 траўня МЗС Польшчы і Управа Радыё Рацыя прынялі заявы з нагоды анулявання візы журналісту Яўгену Вапу, старшыні ўправы Радыё Рацыя. 23 траўня яго не пусцілі ў Беларусь, куды спадар Вапа накіроўваўся ў службовую камандыроўку. Яўгену Вапу забаранілі ўезд у краіну на нявызначаны тэрмін.

26.05.2011 Кантроль над маладэчанцамі ўзмацняецца

У Маладэчне ў буднія дні ў грамадскіх месцах будуць дзяжурыць т.зв. “правяраючыя групы”. Яны будуць спыняць мінакоў і высвятляць, чаму тыя днём знаходзяцца не на працы. Аб гэтым паведамілі на сходзе працаўнікам ААТ “Забудова”.

26.05.2011 Жыхарам Гомеля нагадалі пра палітзняволеных

Актывісты грамадзянскай кампаніі «Гавары праўду» нагадалі жыхарам Гомеля пра палітзняволеных — раніцай 26 мая ў розных месцах Савецкага раёна абласнога цэнтра з'явіліся фотаздымкі Уладзіміра Някляева і Андрэя Саннікава.

26.05.2011 Жукоўскі vs ўлады: барацьба з пераменным поспехам

Не пашанцавала! Ці актывісту аркамітэта па стварэнню партыі БХД Кастусю Жукоўскаму з гомельскімі ўладамі, ці ўладам — з Жукоўскім. У любым выпадку, супакоіцца чыноўнікам актывіст не дае, бо змагаецца за свае правы. Такія, як, напрыклад, спакойна жыць у сваім доме.