Праваабарончы цэнтр «ВЯСНА»

Навіны за 4 траўня 2011

04.05.2011 Алік Мнацаканян і Вікторыя Громава выгнаныя з Беларусі на 2 гады

Для сяброў Міжнароднай назіральнай місіі, расійскіх грамадзян Аляксандра Мнацаканяна і Вікторыі Громавай затрыманне на офісе "Вясны" не прайшло без наступстваў. Абодва яны абвешчаны беларускімі ўладамі неўязнымі ў Беларусь.

04.05.2011 Даклад па Плошчы сарваны: уварванне ў офіс "Вясны", затрыманне 6 замежных грамадзянаў

Толькі што з Першамайскага РУУС Мінска былі вызваленыя 5 грамадзян Расіі, затрыманых каля 19 гадзін у офісе ПЦ "Вясна". Гадзіну таму з пастарунку адпусцілі таксама затрыманага тамсама грамадзяніна Украіны. Усе шасцёра з'яўляюцца правабаронцамі і маюць дачыненне да Міжнароднай назіральнай місіі, якая на працягу апошніх месяцаў сачыла за падзеямі ў Беларусі. На 19.00 на офісе "Вясны" планавалася прэзентацыя даклада па падзеях 19 снежня, падрыхтаванага незалежнай экспертнай групай на чале з Нілам Джарманам. Ягоны відэазварот збіраліся прагледзець правабаронцы і запрошаныя на прэзентацыю журналісты.

04.05.2011 Суды за Плошчу: заўтра прысуд Вінаградаву, Кіркевічу, Дразду, Пратасеню, Хамічэнку

4 траўня ў судзе Кастрычніцкаа раёна Мінска працягваўся судовы працэс па справе аб масавых беспарадках. З 27 красавіка там судзяць актывіста кампаніі “Гавары праўду!” Паўла Вінаградава, аднаго з кіраўнікоў “Маладога Фронту” Алеся Кіркевіча, удзельнікаў акцыі 19 снежня Дзмітрыя Дразда, Андрэя Пратасеню і Уладзіміра Хамічэнку, вядомага праз інтэрнэт як “навушнік”. Прысуд чакаецца 5 траўня а 10-й гадзіне.

04.05.2011 Паведамленне для журналістаў

4 траўня (серада) у 19.00 у офісе ПЦ «Вясна» адбудзецца прэзентацыя даклада Спецыяльнага дакладчыка Камітэта міжнароднага кантролю «Папярэдняя ацэнка падзеяў 19 снежня 2010 года ў Мінску з пункту гледжання правоў чалавека».

04.05.2011 Гаспадарчы суд Менску — за высяленьне партыі БНФ

Гаспадарчы суд Менску не задаволіў пазоў партыі БНФ і грамадзкай арганізацыі БНФ "Адраджэньне" да ЖРЭА Савецкага раёну Менску. Пазоўнікі дамагаліся праз суд прымусіць камунальныя службы заключыць дамову аб арэндзе памяшканьня на праспэкце Машэрава, 8. У сваю чаргу, ЖРЭА Савецкага раёну зьвярнулася ў суд, каб вызваліць арандаваную сядзібу.

04.05.2011 Гродзенцы пра суд над Алесем Кіркевічам

Крымінальны працэс у сталіцы па справе аб так званых масавых беспарадках у Мінску 19 снежня, дзе фігуруе ў якасці абвінавачанага і гродзенец Алесь Кіркевіч, адзін з лідараў “Маладога фронту”, у горадзе над Нёманам не заўважаны шырокай грамадскасцю. Нямала, аднак, і тых, хто неабыякавы да лёсу маладога хлопца з актыўнай пазіцыяй.

04.05.2011 Радзькоў — ”Народнай Волі”: Дамаўляйцеся з міністрам інфармацыі

Сёння ў Мінску, у НВЦ «Белэкспа» распачала працу выстава «СМІ ў Беларусі». І распачалася яна з флэш-мобу, які зладзілі супрацоўнікі газет “Народная Воля” і “Наша Ніва”, а таксама сябры БАЖ.

04.05.2011 Уладзімір Лапцэвіч абскарджвае выстаўлены рахунак за харчаванне ў ІЧУ

Журналіст БелаПАН Уладзімір Лапцэвіч просіць начальніка ізалятара часовага ўтрымання УУС Магілёўскага аблвыканкама спадара Краснова правесці пераразлік рахунка за харчаванне, які быў выстаўлены яму за знаходжанне ў ізалятары.