Праваабарончы цэнтр «ВЯСНА»

Навіны за Сакавік 2010

26.03.2010 2/3 дэпутатскага корпуса Акцябрскага райсавета плануецца змяніць на новых, але «сваіх» людзей

Чакаецца ратацыя дэпутатскіх кадраў у Акцябрскім райсавеце (Гомельская вобласць). Гэта вынікае з публікацыі ў раённай газеце «Чырвоны кастрычнік». Газета піша, што ў Акцябрскі раённы Савет дэпутатаў зарэгістраваныя 35 чалавек - па колькасці там месцаў.

26.03.2010 Гомель: Ігара Салаўёва не зарэгістравалі з-за датаў

Актывіста Руху «За свабоду» з Гомеля Ігара Салаўева не зарэгістравалі кандыдатам у дэпутаты Гомельскага гарадскога савета на той падставе, што нібыта даты ў падпісных лістах былі прастаўлены сябрам ініцыятыўнай групы, а не грамадзянамі-падпісантамі.

26.03.2010 У Баранавічах не народ будзе вырашаць, а ўлада ўжо вырашыла (+ фота)

Баранавіцкія апазіцыйныя кандыдаты не могуць адысці ад шоку, які яны атрымалі 25 сакавіка падчас пасяджэння гарадской тэрытарыяльнай выбарчай камісіі пры рэгістрацыі кандыдатаў у дэпутаты мясцовых Саветаў. Ва ўсіх 8-мі незарэгістраваных апазіцыйных кандыдатаў - Віктара Мезяка, Аляксандра Кабяка, Віктара Цяпіна, Галіны Ярашэвіч, Алега Малашчанкі, Мікалая Чарнавуса, Дзмітрыя Аўгуста, Рыгора Грыка - камісія выявіла “несапраўдныя” падпісныя лісты.

26.03.2010 Суд адмовіў Тацяне Шапуцька ў задавальненьні скаргі да БДУ

Суд Маскоўскага раёну Менску не задаволіў скаргі былой студэнткі юрыдычнага факультэту Белдзяржунівэрсытэту Тацяны Шапуцькі, па фармальнай прычыне адлічанай летась за пропускі. Актывістка "Маладога Фронту" працягне судзіцца з БДУ

26.03.2010 У міліцыі дапыталі Марыну Коктыш і Святлану Калінкіну

Журналістак Святлану Калінкіну, Марыну Коктыш і Наталлю Радзіну 26 сакавіка выклікалі ў Савецкі РУУС Мінска на допыт у якасці сведак.

26.03.2010 Бабруйск: Эксперыментатар Міхаіл Ларчанка атрымае сёння пасведчанне кандыдата

Незалежны вылучэнец Міхаіл Ларчанка, сябра БАЖ, бабруйскі журналіст і блогер, даведаўся сёння, што стаў кандыдатам. Ён самастойна сабраў за сябе 78 подпісаў і пойдзе на выбары па акрузе № 78, у якой знаходзіцца яго дом.

26.03.2010 Віцебшчына: У апазіцыйных партый адчувальныя страты

Апазіцыйныя палітычныя структуры на Віцебшчыне ў значнай ступені страцілі магчымасць шырока ўдзельнічаць у выбарчай кампаніі з-за таго, што іх вылучэнцы не прайшлі рэгістрацыю ў якасці кандыдатаў у дэпутаты.

26.03.2010 Светлагорскі раён: Восем кандыдатаў ад дэмакратычных партый

Сярод кандыдатаў у дэпутаты, якія зарэгістраваны ў Светлагорскім раёне, 8 прадстаўляюць дэмакратычныя партыі. Двум з партыйных вылучэнцаў выбарчыя камісіі адмовілі ў рэгістрацыі кандыдатамі ў раённы Савет.

26.03.2010 "Справядлівы свет" будзе агітаваць выбаршчыкаў, не зважаючы на абмежаванні

У Менску зарэгістравана 13 чалавек з 18 прэтэндэнтаў, якія жадалі стаць кандыдатамі ў дэпутаты на выбарах у мясцовыя Саветы ад партыі "Справядлівы свет". Кіраўніцтва партыі лічыць, што ў адрозненні ад рэгіёнаў фармальна ў сталіцы ўсе правілы зацвярджэння былі выкананы.

26.03.2010 Гарадзеншчына: Частку дэмактывістаў па розных прычынах не зарэгістравалі кандыдатамі

Ажно ў 8 раёнах Гарадзенскай вобласці прадстаўнікі дэмакратычных партый і грамадскіх аб’яднанняў сваіх прэтэндэнтаў у кандыдаты не вылучалі. Такім чынам, у Ашмянскім, Ваўкавыскім, Вараноўскім, Дзятлаўскім, Івейскім, Карэліцкім, Наваградскім і Шчучынскім раёнах выбары будуць практычна безальтэрнатыўнымі.

26.03.2010 Гомельшчына: Большасць зарэгістраваных дэмакратычных кандыдатаў – ад АГП

У Гомельскай вобласці сярод зарэгістраваных дэмакратычных кандыдатаў у дэпутаты найбольшы працэнт складаюць вылучэнцы ад АГП. Пакуль не з’яўлялася інфармацыя, што ў вобласці кандыдату з АГП было адмоўлена ў рэгістрацыі.

26.03.2010 Гомель: Адны і тыя ж подпісы абласная камісія прызнала, а гарадская - не

Каардынатара па стварэнні партыі БХД па Гомелі Кастуся Жукоўскага не зарэгістравалі кандыдатам у гарсавет, але ён стаў кандыдатам абласнога Савета.

26.03.2010 Баранавічы: Толькі аднаго з дзесяці дэмакратаў зарэгістравалі кандыдатам

У Баранавічах толькі адзін з 10-ці апазіцыйных прэтэндэнтаў быў зарэгістраваны ў якасці кандыдата ў дэпутаты гарадскога Савета, а на 33-ох выбарчых акругах з 36-ці выбары будуць безальтэрнатыўнымі.

26.03.2010 Віктар Рамнёў: 3 мільёны штрафаў за два дні

26 сакавіка суд Віцебскага раёну аштрафаваў Віктара Рамнёва за перавозку незарэгістраванай газэты “Наш Дом”. Учора тое самае зрабіў Лёзьненскі райсуд – пакараў спадара Рамнёва штрафам за перавозку газэты “Витебский курьер”.