Праваабарончы цэнтр «ВЯСНА»

Навіны за Сакавік 2010

29.03.2010 Маладзечна: Савецкая ўлада ў асобна ўзятым рэгіёне Беларусі

Начальнік ідэалагічнага аддзела райвыканкама Таццяна Шафаловіч нагадала кандыдатам, якую “цяжкую і адказную працу зрабіла савецкая ўлада” для таго, каб яны ўсе змаглі вылучыцца кандыдатамі ў дэпутаты, і запэўніла ўсіх прысутных, што “савецкая ўлада і на далей будзе рабіць ўсё, каб выбары прайшлі прыстойна”.

29.03.2010 Прадстаўнікі грамадскасці заклікалі прэзідэнта аднавіць комплексную сістэму абароны насельніцтва ад радыяцыі

Адпаведны ліст Аляксандру Лукашэнку 25 сакавіка накіравалі старшыня сацыяльна-экалагічнага грамадскага аб'яднання "Цэнтр падтрымкі чарнобыльскіх ініцыятываў", член-карэспандэнт Нацыянальнай акадэміі навук Беларусі прафесар Іван Нікітчанка, пісьменнік, кіраўнік Беларускага сацыяльна-экалагічнага Саюза "Чарнобыль" Васіль Якавенка і заснавальнік Беларускага камітэту "Дзеці Чарнобыля", урач Тамара Белавокая.

29.03.2010 Баранавічы: Гарадская камісія займаецца адкрытымі падробкамі?

Незарэгістраваныя прэтэндэнты просяць правесці праверку падпісных лістоў і подпісаў тых грамадзянаў, чые заявы прадставіла камісія і прыцягнуць адпаведных спецыялістаў, каб правесці падчыркаведчаскую экспертызу дакументаў.

29.03.2010 У Ельску забаранілі сход ліквідатараў

Ельскі райвыканкам ня даў дазволу ліквідатару, інваліду другой групы Васілю Сіліверсту на правядзеньне 27 сакавіка сходу удзельнікаў ліквідацыі наступстваў катастрофы на Чарнобыльскай АЭС. Прапанова на такі сход была запісана ў кнізе заўваг і прапановаў райвыканкаму.

29.03.2010 Валерыя Шчукіна аштрафавалі больш як на мільён рублёў

26 сакавіка Буда-Кашалёўскі раённы суд разгледзеў адміністрацыйную справу актывіста і журналіста Валерыя Шчукіна, якога затрымалі напярэдадні з накладам газеты «Наш дом».

29.03.2010 Фотавыстава Аляксандра Ждановіча прызнаная крамольнай

Выстава канцэртных фатаграфій Аляксандра Ждановіча (Tarantino) «Адваротны бок зорак», якая адкрылася 10 сакавіка ў фае кінатэатра «Перамога», была датэрмінова згорнутая і змушаная перабрацца ў інтэрнэт.

29.03.2010 Мазыр: Рашэнне пра стэнды для агітацыі ёсць – стэндаў няма

Агітацыйная кампанія пачалася, а заяўленыя стэнды ў многіх якіх месцах да гэтага часу не ўсталяваны. Няма ў пераліку месцаў для ўсталявання інфармацыйных стэндаў і ўсяго мікрараёна “Чыгуначны”. Менавіта тут зарэгістраваны кандыдатам у дэпутаты Франак Вячорка.

29.03.2010 Выбары ці прызначэнні?

У пераважнай большасці выпадкаў выбары ў раённыя і сельскія Саветы Менскай вобласці будуць выглядаць як прызначэнні дэпутатамі загадзя падабраных і ўзгодненых выканаўчай уладай кандыдатур.

29.03.2010 Баранавічы: Прадпрымальнік Мікалай Чарнавус аскарджвае адмову ў рэгістрацыі

Мікалай Чарнавус упэўнены, што адказныя асобы выбарчай камісіі атрымалі заявы выбаршчыкаў падманным чынам і сабраў ад тых жа выбаршчыкаў заявы пра ўласнаручнае прастаўленне даты і подпісаў.

27.03.2010 Мазыр: Маёр забараніў Ф.Вячорку весьці выбарчую кампанію

Адразу пасля рэгістрацыі Ф.Вячорка звярнуўся да камандавання батальёну з рапартам аб прадастаўленні яму месячнага адпачынку для вядзення выбарчай кампаніі. Права на такі адпачынак ён мае паводле заканадаўства. Аднак мазырскія вайскоўцы перадалі рапарт камандаванню брыгады ў Баранавічы, і тэрмін адказу на рапарт невядомы.

26.03.2010 Еўрапейскія праваабарончыя арганізацыі асуджаюць пераслед беларускіх праваабаронцаў

Арганізацыі Civil Rights Defenders (Швецыя), Беларускі Дом правоў чалавека (Літва), Фундацыя Дамоў правоў чалавека (Нарвегія) і Нарвежскі Хельсінкскі камітэт асуджаюць арышты актывістаў праваабарончага цэнтра “Вясна” Алеся Бяляцкага, Валянціна Стэфановіча і Ірыны Тоўсцік як чарговы прыклад грубага парушэння беларускімі ўладамі права на мірныя сходы і свабоду слова.

26.03.2010 Магілёў: Па-беларуску пасведчанне аб рэгістрацыі кандыдатам атрымаў адзін чалавек

26 сакавіка ў Магілёве ў актавай зале гарадскога выканаўчага камітэта адбылася выдача пасведчанняў зарэгістраваным кандыдатам у дэпутаты. Трэба адзначыць, што не ўсе прэтэндэнты на дэпутацкія месцы ў гарсавеце прыйшлі, каб іх атрымаць.

26.03.2010 Барысаўскі раён: Безальтэрнатыўнымі будуць выбары ў большасці акругаў

Пасля рэгістрацыі 25 сакавіка Барысаўскай выбарчай камісіяй кандыдатаў у дэпутаты мясцовых Саветаў дэпутатаў Рэспублікі Беларусь 26 склікання, высвятлілася, што на 34 месцы ў раённым Савеце прэтэндуе 41 кандыдат. Зрэшты, гэта не канчатковая лічба.

26.03.2010 Мінск: Пры рэгістрацыі маладога дэмакрата падвяла доля

Намесніку старшыні “Маладых дэмакратаў” Аляксандру Сяргеенку выбарчая камісія адмовіла ў рэгістрацыі кандыдатам у дэпутаты Мінскага гарадскога Савета. Падставай адмовы з'явілася неўказанне Аляксандрам у дэкларацыі долі ў статутным фондзе юрыдычнай асобы, якая не пацверджаная акцыямі.

26.03.2010 Мазыр: Сябра Партыі БНФ абскарджвае рашэнне аб адмове ў рэгістрацыі

Сябра Партыі БНФ Уладзімір Целяпун, якому адмоўлена ў рэгістрацыі кандыдатам у дэпутаты ў Гомельскі абласны Савет па Палескай выбарчай акрузе №43 і Мазырскі раённы Савет па Калектыўнай выбарчай акрузе №18, падаў скаргу ў Гомельскую абласную выбарчую камісію.