Праваабарончы цэнтр «ВЯСНА»

Навіны за 25 сакавіка 2010

25.03.2010 Дзень Волі: хроніка падзеяў у сталіцы

У аддзяленні міліцыі арганізатарам акцыі Віктару Івашкевічу і Аляксею Янукевічу сказалі, што супрацоўнікі міліцыі валодаюць дакладнай інфармацыяй, што на плошчу каля Акадэміі навук патрапілі людзі -- грамадзяне Расійскай Федэрацыі, кшталту тых, хто арганізоўваў выбух 3 ліпеня 2008 году ў Менску, якія будуць спрабаваць сарваць святкаванне Дня Волі, падрыхтаваўшы выбуховыя прыстасаванні.

25.03.2010 У Рагачоўскім раёне не зарэгістравалі вылучэнку ад “Справядлівага свету”

Камісія па выбарах у Гадзілавіцкі сельсавет Рагачоўскага раёну не зарэгістравала кандыдатам у дэпутаты Ф. Паўлюкову з партыі “Справядлівы свет”. Яе сябры па партыі лічаць, што гэта здарылася з-за памылкі старшыні сельсавету.

25.03.2010 Драгічын: Пасля рэгістрацыі кандыдатам у дэпутаты сябра партыі БНФ адвялі ў КДБ

Сябра партыі БНФ Андрэй Талкавец, які вылучаўся шляхам збору подпісаў, быў зарэгістраваны кандыдатам у дэпутаты ў горадзе Драгічыне Брэсцкай вобласці па Паўночнай выбарчай акрузе № 2. Адразу пасля атрымання пасведчання да яго падыйшоў супрацоўнік КДБ і прапанаваў прайсці з ім ва Упраўленне Камітэту дзяржаўнай бяспекі, якое знаходзілася непадалёку.

25.03.2010 Жлобін: Аднаму з дэмакратычных вылучэнцаў адмовілі ў рэгістрацыі

У Жлобінскім раёне кандыдатамі ў дэпутаты мясцовых Саветаў зарэгістраваны 8 прадстаўнікоў дэмакратычных партый з 9 вылучаных. Адмоўлена ў рэгістрацыі Аляксандру Піліпенку, працоўная дзейнасць якога, на меркаванне выбарчай камісіі, не звязана са Жлобінскім раёнам.

25.03.2010 Аштрафавалі навукоўцу Віталя Куплевіча

Навукоўцу-географа Віталя Куплевіча аштрафавалі за парушэнне правілаў знаходжання ў памежнай зоне. Ён быў затрыманы ў мястэчку Нача Вараноўскага раёну.

25.03.2010 Магілёў: Старшыню Ленінскай раённай арганізацыі БСДП (Г) не зарэгістравалі

Старшыня Ленінскай раённай арганізацыі БСДП (Г) Андрэй Двігун паведаміў, што яго не зарэгістравалі ў якасці кандыдата ў дэпутаты. Нагодай для гэтага стала "несапраўднасць сямі подпісаў выбаршчыкаў".

25.03.2010 Дарагія сябры!

Праваабарончы цэнтр “Вясна” віншуе ўсіх беларусаў краіны і замежжа з нашым сапраўдным нацыянальным сьвятам – Днём Волі, Днём абвяшчэньня Беларускай Народнай Рэспублікі. Гэта наша гісторыя і наш сьветлы шлях у будучыню!

25.03.2010 Праваабаронцы скарысталіся зменамі ў адміністрытыўным кодэксе

Падчас судовага разгляду адміністрацыйных справаў па артукулу 23.34 КаАП "Парушэньне парадку арганізацыі альбо правядзеньня масавага мерапрыемства ці пікетаваньня" праваабаронцы ПЦ "Вясна" скарысталіся папраўкамі, ўведзеннымі ў адміністрацыйны кодэкс напрыканцы 2009 году, якія пачалі дзейнічаць пасьля апублікаваньня, аднак мала хто пра іх ведае - нават судзьдзі. У выніку праваабаронцы атрымалі мінімальнае пакараньне - штраф 0,5 б.в. Такім чынам, сябры, калі вы ідзеце на акцыю - уважліва прачытайце тэкст і памятайце яго пры затрыманьні.

25.03.2010 Паставы: Праблемы з рэгістрацыяй кандыдата ўзніклі праз БТІ (абноўлена)

Марына Ягоўда зарэгістраваная кандыдатам у раённы Савет дэпутатаў. Пасля таго як сябра Беларускай сацыял-дэмакратычнай партыі “Грамада” пачала аспрэчваць нерэгістрацыю сябе ў якасці кандыдата – па незразумелых прычынах – праблема вырашылася. Ёй патэлефанавалі з раённай выбарчай камісіі і паведамілі, што, сапраўды, БТІ падало недакладныя звесткі наконт яе, і пасля ўдакладненняў памылка была выпраўленая.

25.03.2010 Усе кандыдаты ў дэпутаты ад БСДП (Г) у Менску зарэгістраваныя

Тры сябры Беларускай сацыял-дэмакратычнай партыі (Грамада), якія прэтэндавалі на кандыдацтва ў дэпутаты на выбарах у мясцовыя Саветы ў Менску, былі афіцыйна зарэгістраваныя. Па словах Аляксея Сігаева, старшыні Менскай гарадской арганізацыі Грамады, было б дзіўна, калі б сацыял-дэмакратам адмовілі.

25.03.2010 25 пытанняў і адказаў з гісторыі БНР

За незалежнасць Беларускай Народнай Рэспублікі змагаліся 11 тысяч салдат і афіцэраў, у БНР былі дзве сталіцы, падтрымка ў рэгіёнах, быў прыняты закон аб грамадзянстве і дзяржаўнай мове, выдаваліся пашпарты, яна мела нацыянальную сімволіку і гімн

25.03.2010 У Гомелі затрымалі распаўсюдніка газеты «Новы час»

Раніцай 24 сакавіка каля рынку «Давыдаўскі» ў Гомелі міліцыя затрымала гармадскага акывіста Аляксандра Процку, які распаўсюджваў афіцыйна зарэгістраваную газету «Новы час».