Праваабарончы цэнтр «ВЯСНА»

Навіны за 25 сакавіка 2010

25.03.2010 У Бабруйску затрымліваюць актывістаў, якія збіраліся ехаць у Менск (абноўлена)

18.15 - У Бабруйскім гарадскім судзе, куды была дастаўлена Таісія Кабанчук, актывістцы БХД паведамілі, што разгляд яе справы адбудзецца 31 сакавіка.

25.03.2010 Інваліды прыйшлі да Макея

Каля трыццаці інвалідаў з розных гарадоў Беларусі сабраліся ў фае будынка прэзыдэнцкай адміністрацыі. Яны жадаюць патрапіць на прыём да кіраўніка Адміністрацыі прэзыдэнта Ўладзімера Макея.

25.03.2010 Мастоўшчына: У патэнцыйнага кандыдата ўзніклі дзіўныя праблемы

У патэнцыйнага кандыдата ў дэпутаты мясцовых Саветаў Лявона Карповіча з Мастоўскага раёну ўзніклі дзіўныя праблемы. З акруговай выбарчай камісіі яму паведамілі, што ён нібыта недакладна запоўніў дэкларацыю пра даходы. Маўляў, Л.Карповіч не ўказаў сярод сваёй маёмасці аўтамабіль “Запарожац”. Між тым ён прадаў у законным парадку гэтую машыну 1969-га году вытворчасці яшчэ ў далёкім 1972-ім годзе.

25.03.2010 Бабруйскія прадпрымальнікі пратэстуюць супраць падвышэння падаткаў

Бабруйскія прадпрымальнікі сёння падпісваліся супраць праекта “Аб падвышэнні ставак адзінага падатку”, які ўлады вобласці мяркуюць заканадаўча зацвердзіць у самы бліжэйшы час.

25.03.2010 Завяршаецца рэгістрацыя кандыдатаў у дэпутаты мясцовых Cаветаў

Як паведаміў сакратар Цэнтральнай камісіі па выбарах і правядзенні рэспубліканскіх рэферэндумаў Мікалай Лазавік, рэгістрацыя «праходзіць у спакойнай абстаноўцы».

25.03.2010 Барысаў: Паседжанне раённага выбаркама перанесена

Запланаванае на сёння паседжанне Барысаўскай раённай выбарчай камісіі, на якім павінна адбыцца афіцыйная рэгістрацыя кандыдатаў у дэпутаты мясцовых Саветаў 26-га склікання, нечакана перанесена з 17 на 18 гадзін. Магчыма, гэта рашэнне не звязана з святкаваннем у Менску Дня Волі.

25.03.2010 У лідэра «Моладзі БНФ» канфіскавалі бел-чырвона-белую сімволіку

Нацыянальныя сцягі ў Андруся Крэчкі былі канфіскаваныя супрацоўнікамі міліцыі без складання пратаколу.

25.03.2010 Аштрафавалі маладафронтаўца Алеся Кіркевіча

Намесьнік старшыні "Маладога фронту" з Горадні Алесь Кіркевіч аштрафаваны на 1 мільён 225 тысяч рублёў.

25.03.2010 “Выкананыя сьмяротныя прысуды паказалі сутнасьць беларускай дзяржавы”

Госьця Начной Свабоды – праваабаронца Ірына Тоўсьцік.

25.03.2010 Магілёў: Члены камісіі прасілі жыхароў адклікаць свае подпісы

Члены магілёўскай выбарчай камісіі прасілі жыхароў Завадской выбарчай акругі №3 адклікаць свае подпісы за прэтэндэнта ў кандыдаты Аляксея Паўлоўскага. Пра гэта паведаміў сам Аляксей Паўлоўскі.

25.03.2010 Салігорск: 38 з 40 акругаў -- безальтэрнатыўныя

Аляксей Валабуеў і Віктар Яўмененка сваім удзелам фактычна стварылі канкурэнцыю на гэтых выбарах. Менавіта іх дзьве акругі з’яўляюцца альтэрнатыўнымі. На астатніх акругах вылучаецца па аднаму прэтэндэнту.

25.03.2010 Рэчыца: Актывіста Руху «За свабоду» не зарэгістравалі кандыдатам

Акруговая камісія па Спартыўнай акрузе №49 (Рэчыца) па выбарах дэпутатаў абласнога Савета не зарэгістравала кандыдатам у дэпутаты абласнога савета актывіста Руху «За свабоду» Андрэя Стрыжака. Такое рашэнне камісія матывавала тым, што 19 са 168 подпісаў за патэнцыйнага кандыдата былі несапраўднымі.

25.03.2010 Орша: Усе подпісы ў падтрымку вылучэння кандыдатаў прызнаныя сапраўднымі

Усяго па горадзе Орша было зарэгістравана 40 ініцыятыўных груп, аднак падпісныя лісты здалі толькі 36 прэтэндэнтаў. Па выніках праведзенай праверкі ні ў кога з 36 прэтэндэнтаў колькасць несапраўдных подпісаў не перавысіла межаў, прадугледжаных заканадаўствам.

25.03.2010 Віцебск: Рашэнне прынята, месцы вызначаныя

Адміністрацыі Кастрычніцкага, Чыгуначнага і Першамайскага раёнаў г. Віцебску нарэшце абвясцілі свае рашэнні аб вызначэнні месцаў для правядзення масавых мерапрыемстваў кандыдатамі ў дэпутаты і іх даверанымі асобамі з выбаршчыкамі, для размяшчэння агітацыйных друкаваных матэрыялаў.