Праваабарончы цэнтр «ВЯСНА»

Навіны за 23 сакавіка 2010

23.03.2010 Затрыманыя праваабаронцы звяртаюцца з заклікам да міжнароднай супольнасці

Скарыстаўшыся магчымасцю апошняга тэлефавнавання перад адпраўкай з РУУС Ленінскага раёну Менска ў Цэнтр ізаляцыі правапарушальнікаў на Акрэсціна, Алесь Бяляцкі перадаў ад сябе і сваіх паплечнікаў заклік да міжнароднай супольнасці.

23.03.2010 Праваабаронцы трапілі ў міліцыю

Ноч да суду праваабаронцы Алесь Бяляцкі, Валянцін Стэфановіч, Ірына Тоўсьцік правядуць у Цэнтры ізаляцыі правапарушальнікаў, што па вул.Акрэсьціна, 4. Праваабаронцаў вінавацяць паводле артыкула 23.34 КаАП - «парушэньне правілаў правядзеньня масавых мерапрыемстваў». Разгляд іх справаў адбудзецца 24 сакавіка ў судзе Ленінскага раёну Менску (Дом Правасудзьдзя, вул. Сямашкі 33). Час пачатку судовага працэсу пакуль невядомы.

23.03.2010 У Мазырскім раёне агітаваць можна будзе нават у акушэрскіх пунктах

Дзе не хапіла бібліятэк, сельскіх Дамоў культуры, клубаў, школ – для сустрэч з кандыдатамі выдзелены крамы (п. Чырвона Горка, н.п. Васькаўка) і нават фельдшэрска-акушэрскія пункты (н.п. Стрэльск, н.п. Міцькі).

23.03.2010 Рада Еўропы асудзіла прывядзенне ў выкананне двух смяротных прысудаў у Беларусі

Рада Еўропы рашуча асуджае прывядзенне ў выкананне двух смяротных прысудаў у Беларусі. Пра гэта гаворыцца ў сумеснай заяве старшыні Камітэта міністраў РЕ Мішэлін Кальмі-Рэй, генеральнага сакратара РЕ Турб'ёрна Ягланда і кіраўніка Парламенцкай асамблеі Рады Еўропы Меўлюта Чавушаглу.

23.03.2010 Маці расстралянага Андрэя Жука: “Мы аб'ездзілі ўсе могілкі вакол Мінска”

"Пасля сустрэчы 4 сакавіка я спытала, калі можна перадаць сыну наступную перадачу, — паведаміла яна. — Мне адказалі — 19 сакавіка. <…> Прывезлі перадачу, як звычайна падала заяву. Мне сказалі: пачакайце — іх некуды павезлі. <…> Потым выйшаў нейкі дзяжурны адміністратар і сказаў: "Увогуле, вы яго нідзе не шукайце, чакайце паведамлення".

23.03.2010 Орша: "Адміністратарскі сверб" мясцовых чыноўнікаў

У Оршы вызначаныя месцы для правядзення ў апавяшчальным парадку масавых мерапрыемстваў і сустрэчаў кандыдатаў у дэпутаты мясцовых Саветаў з выбаршчыкамі. Яны зацверджаныя рашэннем Аршанскага гарвыканкама № 353. Нічога падобнага цяперашняму рашэнню ў Оршы бачыць не даводзілася.

23.03.2010 На Віцебшчыне пакуль зарэгістраваныя адзінкі

На цяперашні момант у Віцебскай вобласці ў якасці кандыдатаў у дэпутаты мясцовых Саветаў дэпутатаў зарэгістраваныя адзінкавыя прадстаўнікі ад апазіцыйных структур. У ліку атрымаўшых адмовы ў рэгістрацыі - прадстаўнікі партыі БХД.

23.03.2010 "Усю адказнасьць зноў перакладуць на Яна і Біблію».

У судзе Менскага раёну пачаўся перагляд крымінальнай справы супраць Яна Міхайлава.

23.03.2010 Магілёў: Агітаваць можна толькі каля цэнтру рытуальных паслуг

Сёння Магілёўскі гарадскі выканаўчы камітэт вызначыў месца для правядзення масавых мерапрыемстваў кандыдатам у дэпутаты. Традыцыйна, гэтым месцам стала пляцоўка каля дома №64А па вуліцы Чалюскінцаў. Побач -- гарадскі цэнтр рытуальных паслуг.

23.03.2010 У Беларусі прыведзены ў выкананне смяротныя прысуды

Заява РПГА БХК і ПЦ "Вясна" у межах кампаніі “Праваабаронцы супраць смяротнага пакарання ў Беларусі”

23.03.2010 Міліцыя сарвала прэзентацыю складанкі берасцейскага року

У Берасці адбыўся фэст "Гукі вясны", на якім меркавалася прэзентаваць складанку "Права маладых - першы музычны блін" з творамі мясцовых камандаў. Але прадстаўленне складанкі сарвала берасцейская міліцыя. Перад канцэртам лейтэнант міліцыі М. Ціхановіч канфіскаваў больш за 300 дыскаў для праверкі на наяўнасць крамолы ў іх змесце. Арганізатары фэсту: "Спадзяемся, што цяпер міліцыя стане бліжэй да нашай музыкі".

23.03.2010 З кандыдатам у Крупскім раёне вызначыліся. З дэпутатам, падобна, таксама

Газета абласной вертыкалі «Мінская праўда» размясціла невялікую інфармацыю пад рубрыкай «Выбары» з лаканічнай назвай «Першая». З тэксту высвятляецца, што Алена Бялькова - першы кандыдат, зарэгістраваны рашэннем выбарчай камісіі Крупскага выбарчай акругі № 33.

23.03.2010 Скаргу заснавальнікаў газеты «Наш дом» да Мінінфармацыі адхілілі

Вышэйшы гаспадарчы суд адхіліў скаргу прыватнага ўнітарнага гандлёвага прадпрыемства «Витебский корунд» на Міністэрства інфармацыі, якое адмовілася разглядаць дакументы аб рэгістрацыі выдання «Наш дом».

23.03.2010 Старшыня ЦВК у дзеяннях гарадзенскіх адміністрацый не бачыць парушэнняў

Гарадзенскі праваабаронца Уладзімір Хільмановіч атрымаў адказ на свой зварот у ЦВК. У ім Лідзія Ярмошына сцвярджае, што не бачыць парушэнняў у дзеяннях адміністрацый Кастрычніцкага і Ленінскага раёнаў Гародні пад час фармавання ўчастковых выбарчых камісій.

23.03.2010 Па Гомельскай вобласці канкурэнцыя за дэпутацкія месцы амаль адсутнічае

Па выбарах у сельскія Саветы ўтвораны 2 898 акругаў, па якіх маюць намер балатавацца 2 933 патэнцыйныя кандыдаты ў дэпутаты. У пасялковыя Саветы на 146 месцаў прэтэндуюць 156 чалавек, у гарадскія (гарадоў раеннага падпарадкавання) – 30 прэтэндэнтаў на 30 месцаў. Па выбарах у Гомельскі гарадскі Савет утворана 40 акругаў, на дэпутацкія мандаты прэтэндуе 101 чалавек. На 778 месцаў у райсаветах пададзена 850 заяваў. На 60 дэпутацкіх месцаў у абласным Савеце прэтэндуюць 126 вылучэнцаў.