Праваабарончы цэнтр «ВЯСНА»

Навіны за 10 сакавіка 2010

10.03.2010 Участковым выбаркамам будуць садзейнічаць і камерцыйныя банкі і падатковая інспекцыя

На сайце Мазырскага райвыканкама з’явілася Распараджэнне старшыні райвыканкама “Аб замацаванні арганізацый Мазырскага раёна за ўчасткамі для галасавання па выбарах дэпутатаў мясцовых Саветаў дэпутатаў 26 склікання”. У дакуменце са спасылкай на арт. 38 Выбарчага кодэкса тлумачыцца мэта - “для аказання садзейнічання ўчастковым выбарчым камісіям у ажыцяўленні мерапрыемстваў па падрыхтоўцы і правядзенню выбараў”.

10.03.2010 Салігорск: Івана Шылу затрымалі, каб не патрапіў на паседжанне па фармаванні камісій

У Салігорску міліцыя затрымала кіраўніка ініцыятыўнай групы Аляксея Валабуева Івана Шылу проста ў будынку выканкама. Моладзевы актывіст хацеў прысутнічаць на паседжанні, дзе фармаваўся склад выбарчых участковых камісій, куды разам з трыма іншымі актывістамі ён вылучаўся ад групаў выбаршчыкаў.

10.03.2010 Бабруйск: Актывісты БХД могуць зняцца з выбараў з-за ціску з боку ўладаў

Таісія Кабанчук: "Гэты ціск на сябраў БХД ўжо пераходзіць усякія межы. Калі я даведаюся яшчэ хаця б пра адзін падобны выпадак, збяру ўсіх бабруйскіх актывістаў ад БХД, і здымемся з выбараў".

10.03.2010 За акцыю ля амбасады Літвы арыштаваныя моладзевыя актывісты

Актывістаў Максіма Вінярскага, Паліну Кур'яновіч, Паліну Дзьякаву адправілі ў турму на Акрэсціна да суда.

10.03.2010 У Баранавічах за 5 хвілін зацвердзілі склад 66 участковых камісій

На пасяджэнне гарвыканкама не былі запрошаны прадстаўнікі прэсы і мясцовага тэлебачання, палітычных партый і грамадскіх арганізацый. Не было агучана ніводнага прозвішча сяброў камісіі.

10.03.2010 Затрыманы Іван Шыла ўжо на волі

Як паведаміла жж-карыстальніца zmagarka, Івана спынілі чатыры міліцыянты, нібыта для высвятлення асобы, а затым абвінавацілі ў вывешваньні расцяжкі.

10.03.2010 Мазыр: На акругах, дзе вылучаюцца апазіцыйныя кандыдаты, прадстаўнікі іх партыяў ва ўчастковыя камісіі не ўключаны

На выбарчых акругах, дзе зарэгістраваныя ініцыятыўныя групы сябра Партыі БНФ Уладзіміра Целяпуна, сябра АГП Сяргея Лапусты і беспартыйнага Франака Вячоркі, ніхто з прадстаўнікоў гэтых партыяў ва ўчастковыя камісіі не ўключаны. І нават тыя, хто вылучаўся ў склад камісіі ад партыяў і падмацоўваў сваё вылучэнне шляхам збору подпісаў ад грамадзянаў.

10.03.2010 «Калінкавіцкія навіны» датэрмінова разгарнулі перадвыбарчую агітацыю

Нягледзячы на тое, што агітацыя за кандыдатаў у дэпутаты, у адпаведнасці з зацверджаным Цэнтральнай камісіяй Каляндарным планам арганізацыйных мерапрыемстваў, пачынаецца толькі 16 сакавіка, раённая газета «Калінкавіцкія навіны» ўжо распачала «піяр» праўладных кандыдатаў у дэпутаты.

10.03.2010 Эўрапарлямэнт асудзіў Менск за рэпрэсіі

Эўрапарлямэнт ухваліў рэзалюцыю аб сытуацыі ў Беларусі з крытыкай ціску ўладаў на Саюз палякаў. У дакумэнце няма закліку да аднаўленьня санкцыяў супраць Менску, але ёсьць пагроза, што далейшыя парушэньні правоў чалавека могуць прывесьці да спыненьня палітыкі дыялёгу Эўразьвязу зь Беларусьсю.

10.03.2010 Прадстаўнікі палітычных партый складаюць менш як 3 працэнты прэтэндэнтаў на работу ва ўчастковых выбаркамах

У склад участковых выбарчых камісій па выбарах у мясцовыя Саветы дэпутатаў вылучаны больш за 77 тыс. чалавек, з якіх прадстаўнікі палітычных партый складаюць менш як 3 працэнты. Аб гэтым паведаміў сакратар Цэнтральнай камісіі па выбарах і правядзенні рэспубліканскіх рэферэндумаў Мікалай Лазавік.

10.03.2010 Справай бабруйчанкі Вольгі Сьянавай займецца Цэнтральная пракуратура Менску

Актывістку партыі БХД Вольгу Сьянаву, якая уваходзіць у ініцыятыўную групу сваёй маці Аляксандры Сьянавай, 9 сакавіка выклікалі ў сталічнае КДБ. Там у дзяўчыны цікавіліся, адкуль з’явілася інфармацыя пра яе на сайце “Партызан”. Таксама Вользе паведамілі, што заведзеную на яе крымінальную справу будзе разглядаць Цэнтральная пракуратура Менску.

10.03.2010 Івана Міхайлава вызвалілі з Жодзінскага СІЗА

9 сакавіка адміністрацыя Жодзінскага СІЗА адмовілася вызваліць Івана Міхайлава на падставе таго, што сваякі прывезлі ў Жодзіна толькі выпіску з судовай пастановы аб змяненьні меры стрыманьня, а не завераную копію пастановы. Гэтую пастанову перадалі у Жодзіна толькі сёньня і зараз бацькі вязуць яго дамоў.

10.03.2010 СПБ ізноў у судах

11 сакавіка а 14 гадзіне ў судзе Мінскай вобласці (вул. Свердлава 3) адбудзецца разгляд касацыйнай скаргі на рашэнне Валожынскага суда, паводле якога кіраўнічка івянецкага Дому Польскага, Тарэса Собаль, павінна вызваліць памяшканне.

10.03.2010 Кіраўнік ініцыятыўнай групы Франака Вячоркі звярнуўся па дазвол да Лідзіі Ярмошынай

Уладзімір Целяпун просіць старшыню Цэнтральнай камісіі даць яму дазвол на падачу дакументаў для рэгістрацыі Франака Вячоркі кандыдатам у дэпутаты па Станцыйнай выбарчай акрузе №25 у Мазырскі раённы Савет дэпутатаў, паколькі сам прэтэндэнт знаходзіцца ў вайсковым шпіталі.