Праваабарончы цэнтр «ВЯСНА»

Навіны за 10 сакавіка 2010

10.03.2010 Гомельшчына: Рух «За Свабоду» плануе закрыць сваімі прадстаўнікамі толькі стратэгічна важныя ўчасткі

10 сябраў Руху «За Свабоду» збіраюцца балатавацца ў дэпутаты мясцовых Саветаў у Гомельскай вобласці шляхам збору подпісаў. Калі ўсіх патэнцыйных кандыдатаў зарэгіструюць, яны пойдуць па 10-ці акругах, на якіх знаходзіцца каля 210-ці участковых камісій.У склад участковых камісій маюць намер увайсці 54 прадстаўнікі Руху.

10.03.2010 Журналіста судзяць за самаўпраўства

Суд Ленінскага раёна Гародні разгледзіць сёння справу журналіста Алеся Дзянісава, які паводле пратакола аб адміністрацыйным правапарушэнні абвінавачваецца ў самаўпраўстве.

10.03.2010 Валер Ухналёў: Улада дэманструе, хто ў хаце гаспадар

Па словах намесніка старшыні партыі левых, працэс кантролю з боку ўлады адбываецца ў выглядзе "дэмакратычных" рэкамендацый, як і што рабіць правільней і лепш. Урад жадае паказаць, што да пачатку агітацыйнай кампаніі ён будзе кантраляваць абсалютна ўсё.

10.03.2010 Сёньня – суд над ваўкавыскімі прадпрымальнікамі (дапаўняецца)

У 10 гадзін раніцы ў Вярхоўным судзе Беларусі пачынаецца суд над Мікалаем Аўтуховічам і Уладзімерам Асіпенкам. Мяркуецца што судовае паседжаньне будзе адкрытым.

10.03.2010 Онлайн-канфэрэнцыя з Алесем Бяляцкім

У чацьвер 11 сакавіка а 12-ай гадзіне на Радыё “Свабода” адбудзецца онлайн-канфэрэнцыя з кіраўніком праваабарончага цэнтру “Вясна”, віцэ-прэзыдэнтам Міжнароднай фэдэрацыі правоў чалавека Алесем Бяляцкім.

10.03.2010 Орша: Дакументы на рэгістрацыю кандыдатам падаў першы прадстаўнік апазіцыі

У Аршанскую гарадскую тэрытарыяльную камісію 9 сакавіка падаў пакет дакументаў на рэгістрацыю першы прадстаўнік апазіцыі - 24-гадовы сябра Партыі БНФ, будаўнік па прафесіі, Аляксандр Камінскі. Ён мае намер змагацца за статут дэпутата Аршанскага гарадскога Савета па Моладзевай акрузе № 8.

10.03.2010 Сёння Еўрапарламент прыме рэзалюцыю па Беларусі

Тэкст рэзалюцыі ўзгоднены з усімі фракцыямі і ўтрымлівае вострую крытыку афіцыйнага Мінска.

10.03.2010 Жыхар Слуцка апынуўся ў рэанімацыі пасля збіцця міліцыяй

У ізалятары часовага ўтрымання Слуцка ледзь не памёр чалавек. Міліцыянты кажуць, што затрыманы зваліўся з лесвіцы, але характар траўмаў сведчыць пра іншае.