Івана Міхайлава вызвалілі з Жодзінскага СІЗА

9 сакавіка адміністрацыя Жодзінскага СІЗА адмовілася вызваліць Івана Міхайлава на падставе таго, што сваякі прывезлі ў Жодзіна толькі выпіску з судовай пастановы аб змяненьні меры стрыманьня, а не завераную копію пастановы. Гэтую пастанову перадалі  у Жодзіна толькі сёньня і зараз бацькі вязуць яго дамоў.

Нагадаем, што калегія Мінскага абласнога суду разгледзела касацыйную скаргу верніка Івана Міхайлава, якога 1 лютага пакаралі арыштам на 3 месяцы за ўхіленне ад вайсковай службы. Разгледзеўшы сутнасьць справы суддзя прыйшла да высновы, што следства па справе разгледзела ня ўсе акалічнасці і таму справу вярнулі на перагляд у суд Мінскага раёна  новаму суддзю. Прычым, мерай стрыманьня Івану Міхайлаву прызначаная падпіска аб нявыездзе.