Лябедзька аштрафаваны і зноў затрыманы

Лідэра Аб'яднанай грамадзянскай партыі аштрафавалі на 30 базавых велічынь.

25 сакавіка суд Валожынскага раёна  разгледзеў справу ў дачыненні да лідэра Аб'яднанай грамадзянскай партыі Анатоля Лябедзькі, які быў затрыманы ў Валожыне 15 лютага перад будынкам вайсковай частцы, дзе праходзіў суд на Тэрэзай Собаль.

Палітыка абвінавачвалі па двух артыкулах Адміністрацыйнага кодэксу - дробнае хуліганства і непадпарадкаванне супрацоўнікам міліцыі. Па першаму абвінавачванні справа была спынена, а па другому суд прызнаў Лябедзька вінаватым і пакараў штрафам у 30 базавых велічынь.

Варта адзначыць, што ўжо накіроўваючыся ў Менск на выездзе з Валожына машына з Анатолем Лябедзька была спыненая супрацоўнікамі ДАІ. Што на гэты раз інкрымінуецца лідэру АГП, пакуль невядома.