Гомель: Адны і тыя ж подпісы абласная камісія прызнала, а гарадская - не

Каардынатара па стварэнні партыі БХД па Гомелі Кастуся Жукоўскага не зарэгістравалі кандыдатам у гарсавет, але ён стаў кандыдатам абласнога Савета.

К. Жукоўскі зазначыў, што для яго вельмі дзіўна - чаму адныя і тыя ж подпісы ў абласной камісіі прызналі сапраўднымі, а ў гарадской - не.

- Мая ініцыятыўная група збірала подпісы ў адных і тых жа людзей - то бок, мы тлумачылі грамадзянам, што я вылучаюся і ў гарадскі і ў абласны Саветы. І людзі падпісваліся за мяне: на адным лісце - як за кандыдата ў дэпутаты абласнога Савета, на другім – як за кандыдата ў дэпутаты гарадскога Савета. І вось адна камісія прызнае подпісы сапраўднымі, і я атрымліваю рэгістрацыю, а другая - падробленымі. Як такое можа быць? - здзіўляецца актывіст.

Па яго словах, такая ж сітуацыя і ў каардынатара па стварэнні партыі БХД Яўгена Якавенкі:  прайшоў кандыдатам у абласны Савет і было адмоўлена ў рэгістрацыі кандыдатам у гарадскі Савет.

“Праваабаронцы за свабодныя выбары”