Праваабарончы цэнтр «ВЯСНА»

Навіны за Люты 2010

26.02.2010 Гомельская вобласць: пра выбары - ні плакатаў, ні абвестак

Падрыхтоўка да выбараў у мясцовыя Саветы дэпутатаў вядзецца ўжо больш за месяц. Аднак калі прайсціся па Светлагорску, аднаму з буйных гарадоў Гомельскай вобласці, то можна заўважыць: якой-небудзь знешняй інфармацыі аб выбарах дагэтуль няма. Аналагічная сітуацыя і ў суседнім Жлобіне, і ў Рагачове.

26.02.2010 Вернікі “Новага жыцьця” чакаюць прысуду

«Новае жыцьцё» у судзе Маскоўскага раёну Менску сустрэліся з прадстаўнікамі Камітэту аховы прыроды Менгарвыканкаму. Вернікаў абвінавачваюць у нанясеньні шкоды навакольнаму асяродзьдзю. Сума штрафу складае 263 мільёны рублёў (гэта больш за 93 тысячы даляраў).

25.02.2010 Суд па скарзе БАЖ да Мінюста прызначаны на 17 сакавіка

Вярхоўны суд пачне разглядаць скаргу ГА «Беларуская асацыяцыя журналістаў» на папярэджанне Міністэрства юстыцыі 17 сакавіка ў 10.00. Дату пачатку слуханняў прызначылі на першай сустрэчы бакоў у судзе 25 лютага. Справу вядзе суддзя Вярхоўнага Суда Анатоль Церах.

25.02.2010 Работа выбарчых камісій абсалютна празрыстая, лічыць Л.Ярмошына

Работа выбарчых камісій абсалютна празрыстая. Аб гэтым сказала старшыня Цэнтральнай камісіі па выбарах і правядзенню рэспубліканскіх рэферэндумаў Лідзія Ярмошына ў інтэрв'ю часопісу "Беларуская думка".

25.02.2010 Газета «Борисовские новости» ўганараваная пачэснай прэміяй

Газета «Борисовские новости» ўганараваная прэміяй імя Герда Буцэрыюса «Свабодная прэса Ўсходняй Еўропы». Памер прэміі складае 15 000 еўра.

25.02.2010 Следчы прапанаваў Тэрэсе Собаль закрыць справу з прычыны тэрміна даўнасці

Дырэктара Дома польскага ў Івянцы Тэрэсу Собаль і бухгалтарку Рамуальду Мірон 24 лютага дапыталі ў Валожыне. Нагодай для гэтага стала справа 2004 года, паводле якой актывістка непрызнанага беларускімі ўладамі Саюза палякаў на Беларусі «злоўжывала службовым палажэннем».

25.02.2010 Анатоль Паўлаў: прэтэндэнтаў у сябры ўчастковых камісій ад дэмсіл не зарэгіструюць

Пакуль АГП вызначылася з 50 прадстаўнікамі ва ўчастковыя камісіі, але такіх людзей трэба больш за сотню, каб на акругі, у якіх зарэгістраваны кандыдаты ў дэпутаты ад партыі, можна было прапанаваць хаця б аднаго чалавека ва ўчастковую камісію. Пры гэтым адносна таго, што людзі патрапяць у камісіі, кіраўніцтва партыі ілюзій не мае.

25.02.2010 Праблема алкагалізму актуальная для Беларусі

Якімі сродкамі дзяржава мусіць змагацца з п’янствам? Як уплывае алькаголь на генэтыку? Ці магчыма вылечыць алькагалізм? На гэтыя ды іншыя вашы пытаньні адказвае Андрэй Капытоў, загадчык аддзелу наркалёгіі РНПЦ (Рэспубліканскага навукова-практычнага цэнтру) псыхічнага здароўя, дацэнт катэдры псыхіятрыі БДМУ (Беларускага дзяржаўнага мэдычнага ўнівэрсытэту).

25.02.2010 Барысаўскі райвыканкам апраўдвае адмовы ў інфармацыі журналістам

Кіраўніцтва Барысаўскага райвыканкама не бачыць парушэння заканадаўства ў дзеяннях службовых асобаў, якія адмовіліся даць інфармацыю мясцовай недзяржаўнай газеце «Борисовские новости».

25.02.2010 За салідарнасць з Саюзам палякаў у міліцыю

Напярэдадні прыезда у Менск дэлегацыі з Еўрапарламанту павесткаю ў Ленінскі РАУС Берасця выклікана адна з падпісаўшых Акт Салідарнасці з Незалежным Саюзам Палякаў Беларусі – доктар архітэктуры Ірына Лаўроўская.

25.02.2010 Мінскую студэнтку аштрафавалі за акцыю ў падтрымку Саюзу палякаў у Беларусі

Штраф у памеры 175 тысяч рублёў прысудзіла 24 лютага актывістцы аргкамітэта па стварэнні партыі "БХД" Ірыне Губскай адміністрацыйная камісія Фрунзенскага раёна Мінску.

24.02.2010 Гомельшчына: Дэмакратычныя прэтэндэнты ў акругах не супернічаюць

Паводле прадстаўнікоў дэмакратычных партый, у розных раёнах Гомельскай вобласці іх прадстаўнікі вылучаюцца ў розных выбарчых акругах і не супернічаюць паміж сабой.

24.02.2010 У Баранавічах удзельнікі выбарчага працэсу скардзяцца на адсутнасць неабходнай для працы інфармацыі

У Баранавіцкай дзяржаўнай газеце “Наш край” інфармацыя па выніках бягучых этапаў, важная для ўдзельнікаў выбарчага працэсу, з’яўляецца са спазненнямі – мясцовыя ўлады ігнаруюць патрабаванні заканадаўства ў гэтай галіне. А сябры ініцыятыўных групаў па вылучэнні кандыдатаў пазбаўлены магчымасці набыць у гарадскіх кнігарнях Выбарчы кодэкс са зменамі і дапаўненнямі, неабходны ім для нармальнай працы з выбаршчыкамі.

24.02.2010 Пінск: падчас рэгістрацыі ініцыятыўных групаў апазіцыйным кандыдатам нагадвалі пра забароненыя для пікетавання месцы

Кандыдатам ад апазіцыі пры рэгістрацыі ініцыятыўных групаў выдавалі ксеракопію рашэння № 157 Пінскага гарвыканкама аб вызначэнні і забароне месцаў для пікетавання з мэтай збору подпісаў выбаршчыкаў па вылучэнні кандыдатаў у дэпутаты мясцовых Саветаў дэпутатаў, якое фактычна з’яўляецца забаронай на агітацыю на ўсіх цэнтральных вуліцах горада.

24.02.2010 Гомельская абласная выбарчая камісія не задаволіла скаргу Пятра Кузняцова

24 лютага Гомельская абласная выбарчая камісія на сваім паседжанні разгледзела скаргу каардынатара Руху «За Свабоду» Пятра Кузняцова аб адмове ў рэгістрацыі яго ініцыятыўнай группы, пакінуўшы яе без задавальнення.