Праваабарончы цэнтр «ВЯСНА»

Навіны за 15 лютага 2010

15.02.2010 БХД супраць Мінюста

Беларуская Хрысціянская Дэмакратыя запрашае журналістаў і ўсіх неабыякавых людзей 16 лютага на суд “БХД супраць Міністэрства юстыцыі Беларусі”. Паседжанне адбудзецца ў Вярхоўным судзе, пачатак у 10.00. БХД плануе прадставіць сведкаў, якія распавядуць, як і хто прымушаў іх адмаўляцца ад сваіх подпісаў пад дакументамі аб заснаванні партыі “Беларуская Хрысціянская Дэмакратыя”.

15.02.2010 Барыса Хамайду вінавацяць у дробным хуліганстве

У апорным пункце правапарадку Чыгуначнага РАУС на яго склалі пратакол за вывешванне бел‑чырвона‑белага сцяга.

15.02.2010 Суды над кіраўніцтвам СПБ: арышты і штрафы

Сёньня ў Горадні і Валожыне судзілі кіраўнікоў не прызнанага ўладамі Саюзу палякаў Беларусі. Кіраўніцу СПБ Анжаліку Борыс суд аштрафаваў на 1 мільён 50 тысяч рублёў. На пяць сутак арыштаваныя Ігар Банцар, Андрэй Пачобут і Мечыслаў Яскевіч.

15.02.2010 Салігорск: Другі дзень рэгістрацыі ініцыятыўных групаў – адна заяўка

На момант заканчэньня працы раённай камісіі было вядома толькі пра адну заяўку на рэгістрацыю ініцыятыўнай групы па збору подпісаў – Яўмененкі Віктара.

15.02.2010 Лябедзьку трымаюць у пастарунку

Кіраўніка АГП Анатоля Лябедзьку ў 17.30 яшчэ трымалі ў Валожынскім РАУС. Ён быў затрыманы ў 10.30 раніцы перад пачаткам суду над Тэрэсай Собаль, івянецкай дзяячкай не прызнаванага ўладамі Саюзу палякаў Беларусі.

15.02.2010 Суд над Алегам Сурганам перанесены

Судовае паседжаньне па крымінальнай справе віцебскага актывіста Алега Сургана, што мелася адбыцца сёння, перанесена на заўтра ў сувязі з няяўкай сведкі з боку міліцыі.

15.02.2010 У МЗС Польшчы тэрміновая нарада ў сувязі з падзеямі ў Беларусі

У МЗС Польшчы ў Варшаве скліканая тэрміновая нарада ў зьвязку з затрыманьнем актывістаў непрызнаванага беларускімі ўладамі Саюзу палякаў.

15.02.2010 Актывістаў Саюза палякаў на Беларусі затрымалі напярэдадні суда і рыхтуюць новыя абвінавачанні (абноўлена)

Затрыманы актывісты не прызнанага беларускімі ўладамі Саюза палякаў на Беларусі Ігар Банцар, Мечыслаў Яскевіч і Анджэй Пачобут. Іх збіраюцца судзіць за ўдзел у «несанкцыяваным мітынгу». Пазней стала вядома, што супрацоўнікі міліцыі затрымалі таксама старшыню неафіцыйнага СПБ Анжаліку Борыс.

15.02.2010 "Праваабаронцы за свабодныя выбары": этап фарміравання тэрытарыяльных і акруговых выбарчых камісій. Справаздача

У межах кампаніі "Праваабаронцы за свабодныя выбары" эксперты падрыхтавалі справаздачу па 1-ым этапе - фарміраванні тэрытарыяльных і акруговых выбарчых камісій.

15.02.2010 У «Витебского курьера» па-ранейшаму праблемы з распаўсюдам

4 лютага ў Віцебску міліцыя затрымала распаўсюдніцу выдання Марыю Сцепанюк. У аддзеле ўнутраных спраў Чыгуначнага раёна маёр міліцыі Алег Альт склаў на яе пратакол аб парушэнні ч. 2 арт. 22.9 КаАП — «распаўсюд перыядычнага выдання без рэгістрацыі ў Рэспубліцы Беларусь», а начальнік РАУС падпалкоўнік Сяргей Блажэвіч накіраваў матэрыялы ў суд.

15.02.2010 Тацяна Шапуцька атрымала траўму галавы

У 10-ым клінічным шпіталі Тацьцяне зрабілі здымак і паставілі дыягназ: закрытая лёгкая чэрапна-мазгавая траўма. Дзяўчыне прапанавалі шпіталізацыю на некалькі дзён, каб паназіраць ці ня будзе сур’ёзных наступстваў. Але дзяўчына ад шпіталізацыі адмовілася.

15.02.2010 Барысаў: Выбаршчыкі застаюцца ў няведанні

Выбаршчыкам Барысаўскага раёна пакуль невядомы змест рашэння райвыканкама з нагоды забароны месцаў для пікетавання з мэтай збору подпісаў у падтрымку кандыдатаў у дэпутаты мясцовых Саветаў.

15.02.2010 Бабруйск: Пра сваё неўключэнне ў камісіі актывісты даведаліся толькі з газеты

Пра тое, што яны не прайшлі у акруговую камісію, амаль усе бабруйчане даведаліся з абласной газеты. Па тэлефоне гэтую інфармацыю далі толькі аднаму чалавеку – іншым параілі набыць “Могилевские ведомости”.

15.02.2010 Затрыманыя паплечнікі Анжалікі Борыс (дапаўняецца)

У Горадні затрыманы прэсавы сакратар незарэгістраванага Саюзу палякаў Ігар Банцар, а па дарозе на Менск — Мечыслаў Яскевіч і Андрэй Пачобут.

15.02.2010 Дом польскі ў Івянцы апячатаны, Ігар Банцар абвясціў галадоўку

Суд адправіў справу па Доме польскім ў Івянцы на перагляд. Затрыманых напярэдадні актывістаў не прызнанага ўладамі Саюза палякаў на Беларусі караюць «суткамі» і штрафамі за ўдзел у несанкцыянаванай акцыі. Прэс-сакратар СПБ Ігар Банцар абвясціў галадоўку.