Праваабарончы цэнтр «ВЯСНА»

Навіны за 17 лютага 2010

17.02.2010 Віцебск: Ідэі Лазавіка - у жыццё

М. Лазавік выказаў меркаванне пра тое, што пры вылучэнні кандыдатаў у дэпутаты на першы план павінна выходзіць здольнасць гэтых людзей працаваць на карысць інтарэсаў насельніцтва сваёй акругі. І ўжо сёння, 17 лютага выбарчыя камісіі і ўлады пачалі непасрэдна рэалізоўваць ідэі Лазавіка ў жыццё.

17.02.2010 ДзяржСМІ падчас выбарчай кампаніі: меркаванне эксперта

“Журналіст можа мець свой пункт гледжання і выказваць яе ў прэсе, але гэта не значыць, што трэба ператвараць друк у трыбуну для палівання брудам апанентаў. У цяперашняй жа палітычнай сітуацыі ў Беларусі дзяржСМІ становяцца ў апазіцыю да апазіцыйных кандыдатаў, і гэта ўжо проста смешна”, -- лічыць палітолаг Віктар Чарноў.

17.02.2010 Гарадзеншчына: Псіхалагічны ціск на дэмакратычных актывістаў за ўдзел у выбарчай кампаніі

На Гарадзеншчыне адбываецца масавы ціск на дэмакратычных актывістаў, якія ўдзельнічаюць у выбарчай кампаніі.

17.02.2010 Орша: АГП не будзе вылучаць сваіх прадстаўнікоў у кандыдаты

У Оршы прадстаўнікі большасці палітычных партый вырашылі прыняць удзел у выбарчай кампаніі, толькі гарадское аддзяленне АГП на сваім агульным сходзе сябраў пастанавіла наогул адмовіцца ад вылучэння кандыдатаў у сувязі з тым, што іх прадстаўнікоў не ўключылі ў тэрытарыяльныя камісіі.

17.02.2010 Інвалід-вазочнік падаў у суд на Гарадзенскую ДАІ

Сёньня ў судзе Кастрычніцкага раёну Горадні разглядаюць пазоў інваліда-вазочніка аб маральнай шкодзе да ДАІ Гарадзенскай вобласьці. Такой ён лічыць немагчымасьць патрапіць у будынак ДАІ ў сувязі зь яго непрыстасаванасьцю для наведвальнікаў-інвалідаў.

17.02.2010 Збор актывістаў СПБ у Горадні завяршыўся без затрыманьняў

Імправізаваная акцыя салідарнасьці з асуджанымі 15 лютага актывістамі Саюзу палякаў Беларусі скончылася ў Горадні.

17.02.2010 Міліцыя правяла вобшук працоўнага месца Марыны Коктыш

Прыкладна а 12.30 сёння ў ГА «БАЖ» паступіла інфармацыя пра ператрус на працоўным месцы сябры «Беларускай асацыяцыя журналістаў», намесніцы галоўнага рэдактара газеты «Народная воля» Марыны Коктыш.

17.02.2010 Чарговае затрыманне актывістаў СПБ

Працяг разгляду справы па канфіскацыі Івянецкага дома польскага адбудзецца 17 лютага ў Валожынскім раённым судзе а 14.30. Ініцыянаваны ўладай працэс мае на мэце перадачу Дома польскага праўладнаму Cаюзу палякаў, якім кіруе бізнэсовец Станіслаў Сямашка.

17.02.2010 Гарадзенскае ДАІ закрыта для інвалідаў-вазочнікаў

Сёньня ў Горадні меўся адбыцца разгляд пазову інваліда-вазочніка Сяргея Фешчанкі да абласнога ўпраўленьня ДАІ аб спагнаньні маральных стратаў. Разгляд перанесены на сакавік.

17.02.2010 Падатковая інспекцыя актывізуецца падчас выбарчай кампаніі

Ў Барысаве на сям'ю Сяргея Салаша, сябра ініцыятыўнай групы кандыдата, аказвае ціск падатковая інспекцыя.

17.02.2010 Старонка “За свабодныя выбары ў Беларусі” створана ў “Фэйсбуку”

Старонка грамадскай кампаніі “Праваабаронцы за свабодныя выбары” пачала дзейнічаць у буйнейшым сацыяльным сеціве Інтэрнету – Facebook. Цяпер любы карыстальнік “Фэйсбуку”, набраўшы пошукавыя словы кшталту Elections in Belarus, мае магчымасць хутка знайсці ўсю інфармацыю кампаніі “Праваабаронцы за свабодныя выбары”.

17.02.2010 Віцебшчына: у камісій - жаночы твар

У складзе абласной тэрытарыяльнай выбарчай камісіі 3 (23%) жанчыны, у гарадскіх (у гарадах абласнога падпарадкавання) - 29 (56%) і гарадскіх (у гарадах раённага падпарадкавання) - 21 (70%), у раённых - 177 (66%), пасялковых - 81 (81%), сельскіх - 1237 (81%). Усяго ж жанчын у тэрытарыяльных камісіях на Віцебшчыне – 1 548 ці 78%. Практычна такая ж сітуацыя і ў акруговых выбарчых камісіях.

17.02.2010 Аршанскія чыноўнікі працягваюць парушаць выбарчае заканадаўства

Мясцовая "Аршанская газета" апублікавала склад толькі дзвюх з васьмі акруговых камісій, якія прыходзяцца на тэрыторыю Оршы і Аршанскага раёна. Інфармацыя пра астатнія шэсць камісій на сённяшні дзень не апублікавана, хоць з моманту іх фармавання прайшло ўжо 11 дзён.