Гарадзеншчына: Псіхалагічны ціск на дэмакратычных актывістаў за ўдзел у выбарчай кампаніі

На Гарадзеншчыне адбываецца масавы ціск на дэмакратычных актывістаў, якія ўдзельнічаюць у выбарчай кампаніі. Як паведаміў актывіст партыі БСДП (Грамада) Алег Рамашкевіч з Вялікай Бераставіцы, сябра ягонай ініцыятыўнай групы Яўгена Сянкевіча ўгаворвалі выйсці з яе. Да пенсіянера Сянкевіча, які жыве ў вёсцы Алекшыцы, прыязджаў намесьнік старшыні Бераставіцкага райвыканкаму, ён жа старшыня тэрытарыяльнай выбарчай камісіі Сяргей Чыкун і прапаноўваў выйсці са складу ініцыятыўнай групы. Яўген Сянкевіч зрабіць гэта адмовіўся.

У Слоніме, як паведаміў кіраўнік раённай арганізацыі Партыі БНФ Іван Шэга, невядомыя тэлефануюць грамадскім актывістам, прадстаўляюцца сябрамі выбарчай камісіі і прапануюць пад пагрозай страты працы адмовіцца ад удзелу ў выбарчым працэсе. Адзін са слонімскіх грамадскіх актывістаў Міхаіл Міскевіч з мэтай высвятлення сітуацыі мае намер з’вярнуцца ў мясцовую тэрытарыльную выбарчую камісію.  

“Праваабаронцы за свабодныя выбары”