Аршанскія чыноўнікі працягваюць парушаць выбарчае заканадаўства

Чарговым "парушальнікам" стала мясцовая "Аршанская газета".

6 лютага 2010 пастановай Прэзідыума Віцебскага абласнога Савета дэпутатаў і Віцебскага аблвыканкама былі ўтвораны акруговыя камісіі, восем з якіх прыходзяцца на тэрыторыю Оршы і Аршанскага раёна. "Аршанская газета" ў нумары ад 13 лютага апублікавала склад толькі дзвюх з васьмі камісій. Склад астатніх шасці камісій не апублікаваны па стане на 17 лютага, хоць ужо прайшло 11 дзён з моманту іх фармавання.

У адпаведнасці з арт. 34 Выбарчага кодэкса Рэспублікі Беларусь, рашэнне пра фармаванне выбарчых камісій павінна быць апублікавана ў друку ў сямідзённы тэрмін.

"Праваабаронцы за свабодныя выбары"