Праваабарончы цэнтр «ВЯСНА»

Навіны за 2 лютага 2010

02.02.2010 Праваабарончы цэнтр «Вясна» патрабуе неадкладнага вызвалення Івана Міхайлава і тэрміновага прыняцця парламентам Закона “Аб альтэрнатыўнай службе”

1 лютага 2010 года суд суд Мінскага р-на прыгаварыў Івана Міхайлава да трох месяцаў арышту за ўхіленне ад мерапрыемстваў, зваязаных з прызывам на вайсковую службу.

02.02.2010 Ярмошына перайначыла норму Выбарчага кодэкса?

Паводле інфармацыі афіцыйных СМІ, да 14 лютага мясцовыя ўлады павінны вызначыць месцы для правядзення пікетаў па зборы подпісаў у падтрымку кандыдатаў у дэпутаты мясцовых Саветаў. Пра гэта паведаміла старшыня Цэнтральнай камісіі па выбарах і правядзенні рэспубліканскіх рэферэндумаў Лідзія Ярмошына 1 лютага на прэс-канферэнцыі ў Менску. Але гэтае патрабаванне супярэчыць артыкулу 61 Выбарчага кодэкса Рэспублікі Беларусь, засцерагаюць праваабаронцы.

02.02.2010 Лідэры апазіцыі ў Оршы рэкамендуюць байкатаваць выбары

Пасля таго, як прадстаўнікоў апазіцыі не ўключылі ў тэрытарыяльныя камісіі ў Оршы і Аршанскім раёне, лідэры палітычных партый Аршаншчыны - аддзяленняў БСДП, Партыі БНФ, "Справядлівы свет" і АГП накіравалі зварот у органы ўлады, а таксама рэкамендавалі патэнцыйным кандыдатам у дэпутаты ад дэмакратычных сіл, незалежным кандыдатам устрымацца ад удзелу ў выбарах.

02.02.2010 Скаргу аб неўключэнні ў Гарадзенскую абласную камісію сябра БСДГ 4 лютага разгледзіць суд

4-га лютага ў Гарадзенскім абласным судзе адбудзецца разгляд скаргі абласной арганізацыі БСДГ у сувязі з неўключэннем сябра партыі Віктара Сазонава ў склад Гарадзенскай абласной выбарчай камісіі.

02.02.2010 Бабруйск: У пошуку апалітычных сябраў камісій

Бабруйскія чыноўнікі заняліся падборам будучых сябраў участковых камісіяў. Ужо сёння вядомыя выпадкі, калі працоўных на прадпрыемствах і ў дзяржаўных установах ставяць перад фактам, што яны мусяць увайсці ў гэтыя камісіі.

02.02.2010 Суд адмовіў у задавальненні скаргі Гомельскай гарадской арганізацыі АГП на неўключэнне сябра партыі ў склад камісіі

2 лютага суддзя суда Цэнтральнага раена Гомеля Сяргей Шыцікаў прыняў рашэнне адмовіць Гомельскай гарадской арганізацыі АГП у задавальненні скаргі на рашэнне прэзідыума гарсавета дэпутатаў і гарвыканкама аб утварэнні гарадской выбарчай камісіі. Рашэнне суда з'яўляецца канчатковым.

02.02.2010 На Віцебшчыне патрабаванне закона фармальна выканана

Мясцовыя ўлады дакладна выканалі патрабаванне выбарчага закона адносна прадстаўніцтва ў выбарчых камісіях сяброў палітычных партый і грамадскіх аб'яднанняў. Гэта, як гаворыцца, колькасны бок. Калі звярнуць увагу на якасць, то карціна бачыцца ў іншым святле.

02.02.2010 Баранавічы: “Надзейнасць”, правераная часам

Амаль палова сябраў Баранавіцкай гарадской тэрытарыяльнай выбарчай камісіі – пенсіянеры, аднаму з іх – Дзегілевічу Івану -- 83 гады.

02.02.2010 КДБ імітуе пагрозу дзяржаве

Выклікамі ў КДБ і доўгімі размовамі у адным з кабінетаў гэтай установы скончылася для маладых берасцейцаў Уладзіміра Раганава і Яраслава Галоўчанка святкаванне Нараджэння Хрыстова ў Заходніх краінах.

02.02.2010 Гей-часопіс збіраецца знаёміць грамадскасць з праблемамі ЛГБТ-супольнасці

Прэзентацыя беларускага гей-лесбі часопіса «GAY: good as you» адбудзецца ў ноч з суботы на нядзелю 27 лютага ў сталічным клубе «Клубе 6_А». Як паведамляюць заснавальнікі, часопіс збіраецца знаёміць грамадскасць з праблемамі ЛГБТ-супольнасці, разважаць на сур'ёзныя тэмы, забаўляць, выклікаць дыскусіі і даваць свае старонкі для творчай рэалізацыі геям, лесбіянкам, бісэксуалам, транссэксуалам, а таксама па-сяброўску настроеным гетэрасексуалам.

02.02.2010 За незаконную адсідку– 15 мільёнаў рублёў кампэнсацыі

Столькі грошай суд Фрунзенскага раёну Менска пастанавіў выплаціць Леаніду Тарасенку, які быў кінуты ў месцы пазбаўленьня волі з-за памылак беларускага сьледзтва й суду.

02.02.2010 Салігорск: Мясцовыя інтэрпрэтацыі адкрытасці выбарчага працэсу

Моладзевы актывіст Іван Шыла напісаў скаргу на імя старшыні Салігорскага райвыканкама Аляксандра Рымашэўскага, у якой ён абскарджве адмову ў прадастаўленні інфармацыі пра дату і месца правядзення паседжання па фармаванні складу Салігорскай раённай камісіі.

02.02.2010 Светлагорскі раён: Чаму “гарантыі” Выбарчага кодэкса не працуюць у рэгіёне

Асноўная прычына, якую называюць дэмакратычныя актывісты – гэта тое, што мясцовыя арганізацыі апазіцыйных партый і дэмакратычных грамадскіх аб’яднанняў не пастаўлены на ўлік у раённым выканаўчым камітэце.

02.02.2010 Інтэрнэт бяруць пад кантроль

Ужываньне нацыянальнага сэгмэнту сеткі Інтэрнэт будзе рэглямэнтавана ад 1 ліпеня 2010 году. Гэта вынікае са спэцыяльнага прэзыдэнцкага ўказу, які Аляксандар Лукашэнка падпісаў 1 лютага.