Праваабарончы цэнтр «ВЯСНА»

Навіны за Люты 2010

24.02.2010 Барысаў: назіральніку адмовілі ў рэгістрацыі

Сёння, 24 лютага, праваабаронца Алег Мацкевіч накіраваў скаргу ў Цэнтральную выбарчую камісію на дзеянні старшыні Барысаўскай раённай тэрытарыяльнай выбарчай камісіі, намесніка начальніка аддзела адукацыі Барысаўскага райвыканкама, Мікалая Зелянкевіча.

24.02.2010 У Брэсце кандыдат ад улады адмовілася ад ўдзелу ў выбарах, калі даведалася імя свайго апанента

Па 14-й акрузе ў горадзе Брэсце былі зарэгістраваныя ініцыятыўныя групы кандыдатаў у дэпутаты, у тым ліку Вольгі Шутавай і Ларысы Дабрадомавай. Шутава Вольга – пенсіянерка, былая супрацоўніца абласнога тэлебачання, зараз сябра незалежнага Прафсаюза радыёэлетроннай прамысловасьці (РЭП). Яе апанентам па гэтай жа акрузе выступала Дабрадомава Ларыса, дырэктар Тэлерадыёкампаніі “Брэст”. Праз некаторы час пасля рэгістрацыі ініцыятыўных групаў кандыдатаў стала вядома, што Ларыса Дабрадомава зняла сваю кандыдатуру.

24.02.2010 Віцебск: пададзены першыя заявы на рэгістрацыю кандыдатаў

На цяперашні момант у Віцебскую гарадскую выбарчую камісію пададзены 9 заяваў на рэгістрацыю кандыдатаў у дэпутаты, якія вылучаюцца шляхам збору подпісаў выбаршчыкаў.

24.02.2010 Баранавічы: Назіральнік Сяргей Гоўша намераны звярнуцца ў Цэнтральную камісію

Пракурор Брэсцкай вобласці, як і пракурор горада Баранавічы, не ўбачыў парушэння закону, пра якія заяўляў назіральнік ад ТБМ Сяргей Гоўша.

24.02.2010 У Швейцарыі праходзіць Сусветны кангрэс супраць смяротнага пакарання

Сёння ў Жэневе распачаў працу Сусветны кангрэс супраць смяротнага пакарання. Трохдзённы форум сабраў больш за тысячу юрыстаў, прадстаўнікоў праваабарончых арганізацый, вядомых грамадскіх і палітычных дзеячоў з розных краін свету. Сярод яго ўдзельнікаў – прадстаўнікі Беларусі, актывісты кампаніі “Праваабаронцы супраць смяротнага пакарання” Валянцін Стэфановіч і Тацяна Рэвяка.

24.02.2010 Незалежныя сайты Гомельшчыны: інтарэс да выбараў невялікі

Пра падрыхтоўку выбараў на Гомельшчыне інфармуе шэраг незалежных навінных рэсурсаў у Інтэрнеце. Рэгіянальныя і мясцовыя сайты змяшчаюць як навіны, узятыя з агульнабеларускіх крыніцаў, так і ўласныя публікацыі. Аднак рэгулярнай увагі гэтай тэме не надаецца, што, верагодна, з'яўляецца адлюстраваннем увогуле нізкага інтарэсу да мясцовых выбараў у грамадстве.

24.02.2010 Дата суда над Аўтуховічам і Асіпенкам пакуль не прызначаная

Дата суда над ваўкавыскімі прадпрымальнікамі Мікалаем Аўтуховічам і Ўладзімірам Асіпенкам пакуль не прызначаная. Пра гэта БелаПАН паведаміў адвакат Аўтуховіча Павел Сапелка.

23.02.2010 Больш як 16,8 тыс. ініцыятыўных груп па вылучэнню кандыдатаў у дэпутаты мясцовых Саветаў зарэгістравана ў Беларусі

Усяго ў Беларусі ў выбаркамы паступіла 16 903 заявы аб рэгістрацыі ініцыятыўных груп па вылучэнню кандыдатаў у дэпутаты мясцовых Саветаў. З гэтай колькасці 23 заяўнікам было адмоўлена ў рэгістрацыі, 20 адклікалі свае заявы.

Алесь Бяляцкі: Практыка катаванняў, гвалту, непраўдзівых сфабрыкаваных паказаньняў з боку супрацоўнікаў міліцыі ўваходзіць у паўсядзённы ўжытак

23.02.2010 Алесь Бяляцкі: Практыка катаванняў, гвалту, непраўдзівых сфабрыкаваных паказаньняў з боку супрацоўнікаў міліцыі ўваходзіць у паўсядзённы ўжытак

Масавыя затрыманні і арышты прадстаўнікоў непрызнанага Саюза палякаў, нервовае стаўленне супрацоўнікаў міліцыі да працы журналістаў, суды і абвінавачванні ў хуліганстве грамадскіх і палітычных актывістаў маюць пад сабой канкрэтныя прычыны, якія ўлада спрабуе прыхаваць за дэмагагічнымі разважаннямі аб правах і свабодах чалавека. Гэтыя прычыны называе віцэ-прэзідэнт Міжнароднай федэрацыі правоў чалавека, старшыня праваабарончага цэнтру “Вясна” Алесь Бяляцкі ў інтэрвію з нашым карэспандэнтам.

23.02.2010 Камісія па нацыянальнай бяспецы “адпісала” маці Івана Міхайлава

Маці асуджанага прызыўніка Івана Міхайлава Тацяна Міхайлава атрымала адказ на свой зварот у Камісію па нацыянальнай бяспецы Палаты прадстаўнікоў Нацыянальнага сходу.

23.02.2010 Аршаншчына: змены межаў выбарчых участкаў могуць зблытаць выбаршчыкаў

Сур'ёзныя пытанні ў назіральнікаў выклікае, да прыкладу, фармаванне ўчастку № 58 у горадзе Барань. Ён уключае ў сябе вуліцу Аршанскую, на якой дамы № 9, 11, 11а, 13,15 і 46а адносяцца да Палявой акругі № 29, а дамы № 36, 38, 42, 44, 44а і 46 - да Набярэжнай акругі № 28 па выбарах у Аршанскі гарадскі Савет. Разам з тым, усе гэтыя дамы знаходзяцца ў межах аднаго выбарчага ўчастку.

23.02.2010 Кандыдат у дэпутаты Палаты прадстаўнікоў судзіцца з газетай "Бабруйскае жыццё"

Сяргей Еўдакімовіч лічыць, што матэрыялы, надрукаваныя падчас выбарчай кампаніі ў газеце "Бабруйскае жыццё", утрымлівалі паклёп і абразы ў яго адрас, што паўплывала на ход і вынікі выбараў. Кандыдату спатрэбілася паўтары гады, каб давесці справу да суда. Гэтаму папярэднічала доўгая перапіска з рознымі інстанцыямі, скаргі ў МУС і пракуратуру і пяць пастановаў пра адмову ва ўзбуджэнні крымінальнай справы. Наступнае паседжанне суда адбудзецца 10 сакавіка 2010 г.

23.02.2010 Дзейнасьць палітычных партый і рэлігійных арганізацый у ВНУ забароняць

Праект Кодэксу аб адукацыі ўтрымлівае забарону на дзейнасьць у вышэйшых навучальных установах палітычных партый і рэлігійных арганізацый.

23.02.2010 Сяргей Альфер: "Ці будуць улічаныя мае пажаданні, пытанне спрэчнае"

Сябры Менскай гарадской выбарчай камісіі Сяргей Альфер, прадстаўнік АГП, і Сяргей Вазняк, прадстаўнік партыі "Справядлівы свет", ацэньваюць яе працу як канструктыўную, што праходзіць у рамках ускладзеных на яе паўнамоцтваў. Але гэта ацэнка цяперашняга моманту, падкрэсліваюць абодва прадстаўнікі дэмакратычных сілаў.

23.02.2010 Лябедзька: працяг валожынскай справы

Старшыня Аб'яднанай грамадзянскай партыі Анатоль Лябедзька выкліканы ў Менскую абласную пракуратуру для дачы тлумачэнняў па "валожынскаму затрыманню". Магчыма, што пасля сумоўя са следчым, лідэр АГП выйдзе фігурантам новай крымінальнай справы.