Леанід Кулакоў асуджаны на 10 сутак, Вольга Нікалайчык збірае торбу Дапоўнена

2018 2018-03-23T15:45:00+0300 2018-03-23T16:54:17+0300 be http://spring96.org/files/images/sources/rasciashka-charter-97.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Расцяжка з надпісам "Свабоду Хартыі'97". Фота з сацыяльных сетак.

Расцяжка з надпісам "Свабоду Хартыі'97". Фота з сацыяльных сетак.

Як паспеў паведаміць ПЦ "Вясна" сам актывіст Леанід Кулакоў, каля 12 гадзін міліцыя ўварвалася да яго ў хату, пасля таго, як ён пад пагрозамі быў вымушаны адчыніць ім дзверы.

Капітан міліцыі Васіль Дзегцяроў паведаміў яму, што ён павінен праехаць з імі ў РУУС Першамайскага раёна, бо яшчэ 19 сакавіка адбыўся суд па адміністрацыйнай справе супраць яго. Цяпер Леаніда Кулакова ўзнікла рэзкая неабходнасць азнаёміць з рашэннем суда. 

Сувязь з актывістам перарвалася. 

Каля 14.00 стала вядома, што Леанід знаходзіцца ў РУУС Першамайскага раёна. Хутка яго павязуць у суд, дзе будуць судзіць па ч.3 арт. 23.34. 

16.00. Суддзя суда Першамайскага раёна Іна Сідарок пастанавіла пакараць Кулакова 10-суткавым арыштам за ўдзел у несанкцыянаванай акцыі ў падтрымку сайта "Хартыя'97", якая прайшла 13 сакавіка. За гэту ж акцыю 21 сакавіка на 10 сутак быў асуджаны актывіст “Еўрапейскай Беларусі” Максім Вінярскі.

Міліцыя грукае ў дзверы і вокны дома актывісткі Вольгі Нікалайчык. Жанчына збірае неабходныя рэчы, якія спатрэбяцца ёй на сутках. Плануе адчыніць дзверы міліцыі. Верагодна яе затрымаюць.

Раней актывіст “Еўрапейскай Беларусі” Леанід Кулакоў атрымаў SMS-паведамленне з суда Першамайскага раёна Мінска аб прызначэнні судовага паседжання па яшчэ адной адміністрацыйнай справе па арт. 23.34 КаАП. Па якой - яму пакуль невядома. Суд прызначаны на 9-30 30 сакавіка.

У той жа час трэція суткі каля пад’езда Леаніда Кулакова ў аўтамабілі дзяжураць, перыядычна мяняючыся, супрацоўнікі міліцыі. Такое ж “паляванне” адбываецца каля дома журналісткі Вольгі Нікалайчык, якая фактычна заблакаваная па месцы жыхарства.

“Калі мяне будуць судзіць 30 сакавіка, то незразумела, навошта яны зараз учынілі на мяне паляванне”, - паведамляе праваабаронцам Кулакоў.

У гэты ж дзень у судзе Маскоўскага раёна Мінску прайшлі суды над яшчэ аднім актывістам "Еўрапейскай Беларусі" Яўгенам Афнагелем і над актыістам "Моладзі БНФ" Арцёмам Касаваравым.

Апошнія навіны

Партнёрства

Сяброўства