Запрашаем на сустрэчу з Тамарай Чыкуновай

2014 2014-10-08T21:36:17+0300 2014-10-10T09:18:48+0300 be http://spring96.org/files/images/sources/chykunova-2013.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Тамара Чыкунова ля стэнду беларускіх праваабаронцаў на 5-м Сусветным кангрэсе супраць смяротнага пакарання (Мадрыд, 2013)

Тамара Чыкунова ля стэнду беларускіх праваабаронцаў на 5-м Сусветным кангрэсе супраць смяротнага пакарання (Мадрыд, 2013)

Публічная лекцыя праваабаронцы Тамары Чыкуновай, заснавальніцы і кіраўніка ўзбекскай арганізацыі "Маці супраць смяротнага пакарання і катаванняў", адбудзецца 9 кастрычніка з 18.00 да 20.00 у сядзібе "Галіяфы" (вул. Валгаградская, 4а; ст.м. Маскоўская).

Да актыўнай дзейнасці за адмену смяротнага пакарання Тамару Чыкунову прывяла асабістая трагедыя: яна заснавала грамадскую арганізацыю “Маці супраць смяротнага пакарання і катаванняў” у 2000 годзе ва Узбекістане, пасля таго як паводле прысуду расстралялі яе адзінага сына, які ўжо пасмяротна быў прызнаны невінаватым у інкрымінаваных яму дзеяннях. За адмену смяротнай кары ва Узбекістане арганізацыя змагалася восем гадоў: з 1 студзеня 2008 года ў краіне афіцыйна адменены гэты від пакарання.

За сваю дзейнасць праваабаронца адзначана шэрагам прэстыжных узнагародаў, у тым ліку германскай Нюрнбергскай прэміяй у абарону правоў чалавека (2005), медалём Нацыянальнай кансультатыўнай камісіі Францыі па правах чалавека «Свабода, Роўнасць, Братэрства» (2005), медалём італьянскага горада Генуя ў межах руху «Гарады за жыццё - гарады супраць смяротнага пакарання» (2009), французскім нацыянальным ордэнам Ганаровага Легіёна (2010). Праваабаронца была намінаваная на Нобелеўскую прэмію міру 2005.  

Тамара Чыкунова працягвае сваю дзейнасць па адмене смяротнага пакарання ў іншых краінах, і ў першую чаргу ў Беларусі як у апошняй на постсавецкай прасторы краіне, якая практыкуе смяротныя прысуды. Падчас сваіх візітаў у Беларусь яна заўсёды імкнецца сустрэцца і падтрымаць маці пакараных смерцю. Так, у 2010 годзе наведала Святлану Жук у Светлагорску, а ў межах цяперашняга візіту 8 кастрычніка ў Гомелі адбылася яе сустрэча з Тамарай Сялюн і маці вязня камеры смяротнікаў Вольгай Груновай. Разам з беларускімі маці Тамара Чыкунова стала гераіняй прэзентаванага днямі фотапраекта “Вышэйшая мера”.  

Нагадаем, усе гэтыя мерапрыемствы праходзяць у межах Тыдня супраць смяротнага пакарання ў Беларусі, які працягнецца да 10 кастрычніка.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international