Брэст: міліцыя спыніла справу па факце распаўсюду рашэння Камітэта па правах чалавека ААН

2014 2014-04-01T22:09:56+0300 2014-04-02T12:22:24+0300 be http://spring96.org/files/images/sources/kisliak-smiarotnae.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Гэта рашэнне датычыцца справы Уладзіслава Кавалёва - аднаго з расстраляных два гады таму па абвінавачанні ў здзяйсненні тэракту ў мінскім метро.
Нагадаем, што 14 сакавіка ў цэнтры Брэста праваабаронца Раман Кісляк разам з актывістам Зміцерам Рабцэвічам распаўсюдзілі сярод мінакоў 16 брашур з тэкстам рашэння Камітэта ААН на рускай мове. Такім чынам актывісты хацелі прыцягнуць увагу грамадскасці да дадзенага рашэння напярэдадні гадавіны расстрэлу Кавалёва.
Падчас распаўсюду матэрыялаў да праваабаронцы Рамана Кісляка падыходзіў супрацоўнік міліцыі і патрабаваў спыніць акцыю, а 18 сакавіка паводле факту распаўсюду матэрыялаў Кісляк быў дапытаны ўчастковым інспектарам.
31 сакавіка з Ленінскага РАУС Брэста быў дасланы афіцыйны ліст, з якога вынікае, што падчас праверкі не быў устаноўлены склад праваапарушэння ў дзеяннях Кісляка і Рабцэвіча паводле часткі 2 артыкула 22.9 КаАП і на гэтай падставе вынесена пастанова аб спыненні адміністрацыйнай справы.

Скарга маці Уладзіслава Кавалёва і яго сястры Таццяны Козяр была зарэгістравана ў Камітэце па правах чалавека ААН 15 снежня 2011 года, а разгледжана 29 кастрычніка 2012 года. Камітэт устанавіў, што беларуская дзяржава парушыла права на жыццё Уладзіслава Кавалёва. Гэты міжнародны орган таксама прызнаў, што ў дадзенай справе быў дапушчаны шэраг парушэнняў палажэнняў Пакта аб грамадзянскіх і палітычных правах. Акрамя таго, у рашэнні Камітэта гаворыцца, што суд не быў незалежным, а таксама парушана права на перагляд прысуду вышэйстаячай судовай інстанцыяй. У заключнай частцы рашэння Камітэт заявіў, што неабходна “апублікаваць дадзеныя меркаванні і забяспечыць іх шырокі распаўсюд у дзяржаве-ўдзельніцы на беларускай і рускай мовах”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international