Аляксандр Круты: «Чакаю этап ў Навінкі, на прымусовае лячэнне ад сумлення»

2012 2012-01-06T10:06:19+0300 1970-01-01T03:00:00+0300 be http://spring96.org/files/images/sources/krutoj.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Жыхар Мінска Аляксандр Круты, да якога суд прызначыў прымяніць прымусовыя меры бяспекі і лячэння, даслаў адказ на ліст гомельскага актывіста кааліцыі «Наша альтэрнатыва» Кастуся Жукоўскага. Аляксандр Круты піша, што на дадзены момант, а дакладней – з 29 лістапада, ён знаходзіцца ў СІЗА на Валадарскай, і там чакае «этапу ў Навінкі на прымусовае «лячэнне» ад сумлення». «Было б дзіўным, калі б судова-медыцынская экспертыза не разглядзела ў мяне самы галоўны беларускі дыягназ», - зазначае вязень. Ён піша, што знаходзіцца ў камеры №29 «для асоб, вызваленых ад крымінальнай адказнасці». «Сам факт існавання такіх камер у беларускіх турмах з'яўляецца прыкладам класічнага аксюмарану, і варты уважлівага вывучэння. На мой суд мяне не дапусцілі. Увесь час з моманту затрымання да майго пераезду ў псіхіятрычную бальніцу не ўваходзіць ні з якія тэрміны пакарання. У такім камерах можна чакаць этапу на Гальцюнішкі (стацыянар для асобаў, здзейсніўшых злачынства, якія маюць псіхічныя захворванні, - Рэд.) да 1,5 года», - напісаў у лісце Круты.

Рашэнне аб змяшчэнне Аляксандра Крутога ў такі стацыянар прыняў суд у снежні 2011 года. Дачка вязня, Інэса Крутая, не згодная з рашэннем суда, і лічыць, што бацьку пакаралі за тое, што адстойваў сваю пазіцыю.

Дачка лічыць, што пераслед бацькі звязаны са справай аб тэракце ў мінскім метро, па якой яна праходзіла пацярпелай, а бацька абараняў яе інтарэсы. У час працэсу Аляксандр Круты задаваў суду «нязручныя пытанні» і прапаноўваў адмяніць смяротную кару. Інэса Крутая мяркуе, што бацьку ўзялі пад варту, каб адхіліць ад удзелу ў судзе.

Нагадаем, 20 верасня Круты быў затрыманы паводле абвінавачання ў хуліганстве.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international