Праваабарончы цэнтр «ВЯСНА»

Навіны за 19 верасьня 2012

19.09.2012 Полацк: Міхальчанка праяўляе звышпільнасьць ў пытаннях адукацыі

Міхальчанка накіраваў у Цэнтральную выбарчую камісію электронны зварот, у якім паказвае, што ў дадзеных, прадстаўленых кандыдатам у дэпутаты Наталляй Гуйвік, недакладна ўказана назва вышэйшай навучальнай установы, якую тая скончыла («Усесаюзны юрыдычны інстытут» замест «Усесаюзны юрыдычны завочны інстытут»).

19.09.2012 Берасцейцаў заклікаюць галасаваць толькі 23 верасня

Амаль тры гадзіны ўвечары 18 верасня доўжыўся пікет у цэнтры Брэста, які ладзілі кандыдаты ў дэпутаты ад Беларускай сацыял-дэмакратычнай партыі (Грамада) Ганна Канюс і Ігар Маслоўскі.

19.09.2012 Салігорск: На сустрэчу з праўладным кандыдатам -- па разнарадцы

Сакрэт гэткай цікавасці да кандыдаткі апыныўся банальна простым. У канцы працоўнага дня ў салігорскія школы была дадзена выканкамаўская разнарадка пра абавязковае накіраванне на сустрэчу па дзесяць чалавек ад кожнай установы адукацыі.

19.09.2012 Полацк: не «загадваюць», а «настойліва рэкамендуюць»

Работнікаў арганізацый і прадпрыемстваў Полацка заклікаюць абавязкова прыйсьці на датэрміновае галасаванне. Пры гэтым выкарыстоўваецца «мяккая» форма - «настойлівая рэкамендацыя». Самі кіраўнікі абавязаны штовечар даваць справаздачу аб колькасці датэрмінова прагаласаваўшых работнікаў.

19.09.2012 Жодзіна: скрыня для датэрміновага галасавання засталася з вялікай шчылінай

У першы дзень датэрміновага галасаваньня старшыня Кастрычніцкай участковай камісіі № 19 Жодзінскай выбарчай акругі №64 Тацяна Новікава адмовілася належным чынам апячатаць шчыліну паміж накрыўкай і корпусам скрыні для датэрміновага галасавання, у якую пасля яе ўласнай праверкі свабодна праходзілі аркушы паперы фармату А4.

19.09.2012 Баранавічы: большасць рэспандэнтаў “Intex-press” не збіраецца галасаваць датэрмінова

Між іншым, на выбарчым участку № 19 па Баранавіцкай-Усходняй выбарчай акрузе № 6 масава галасавалі студэнты Баранавіцкага дзяржаўнага універсітэту. Найбольш смелыя са студэнтаў паведамілі, што іх абяцалі выселіць з інтэрнату, калі яны не прагаласуюць датэрмінова.

19.09.2012 Ліда: канфіскаваны ўлёткі пра байкот выбараў

Аўтамабіль, якім кіраваў прадстаўнік АГП Сяргей Ліс, затрымалі прадстаўнікі дарожнай аўтаінспекцыі. Пасля гэтага яму прапанавалі праехаць ў Лідскі РАУС, дзе “крамольныя” ўлёткі былі канфіскаваныя, пра што быў складзены адпаведны пратакол.

19.09.2012 Абсурдная пільнасць у Гародні: шукалі ўлёткі, знайшлі запчасткі

Пільнасць супрацоўнікаў міліцыі і спецслужбаў у сачэнні за ўдзельнікамі выбарчага працэсу часам набывае анекдатычныя формы. Кандыдат ад кампаніі “Гавары праўду” па Гарадзенскай-Занёманскай акрузе №49 Дзмітрый Бандарчук днямі замовіў у сталіцы запчасткі да асабістага аўтамабіля.

19.09.2012 Гомель: меркаваны праўладны кандыдат зняўся з выбараў

Гомельская-Навабеліцкая акруга №36 стала безальтэрнатыўнай. Тут з выбараў знялі свае кандыдатуры і меркаваны праўладны, і апазіцыйны кандыдаты. Сябра АГП Уладзімір Няпомняшчых зняў сваю кандыдатуру па рашэнню з’езду партыі, а кандыдат Ігар Пракапенка 17 верасня напісаў адпаведную заяву.

19.09.2012 Гародня: участковая камісія адмаўлялася рэгістраваць назіральніцу

Першапачаткова камісія выбарчага ўчастку №15 Гарадзенскай-Цэнтральнай выбарчай акругі адмовілася рэгістраваць назіральніцу Алену Ксенз на той падставе, што яна не з’яўляецца сябрам Аб’яднанай грамадзянскай партыі. Пры тым у дзяўчыны патрабавалі партыйнае пасведчанне.

19.09.2012 Барысаў: першы дзень галасавання і першыя разыходжанні ў яўцы

Першы дзень галасавання выявіў на адным з участкаў Барысаўскай гарадской выбарчай акругі № 62 недарэчнасць паміж колькасцю тых, хто прагаласаваў, зафіксаваных назіральнікамі, і колькасцю, названай у пратаколе выбарчай камісіі.

19.09.2012 Горкі: датэрміновае галасаванне ставіць рэкорд

У Горацкай выбарчай акрузе № 83 на выбарчым участку № 3 18 верасня у Горках за поўгадзіны прагаласавала каля 250 выбаршчыкаў. Як паведамляе незалежны назіральнік, рэдактар газеты “Узгорак” Галіна Будная, практычна ўсе прагаласаваўшыя былі студэнтамі БДСГА.

19.09.2012 Міліцыя сканфіскавана 15 тысяч улётак АГП з заклікам да байкоту

Аўтамабіль сябра партыі АГП Сяргея Ліса на трасе Менск-Горадня 18 верасьня затрымалі супрацоўнікі ДАІ. Ліса завезьлі ў міліцыю Ліды.

19.09.2012 Журналістаў «Белсата» затрымалі і забралі ў іх камеру

Пра гэта паведаміў радыё «Свабода» прадстаўнік тэлеканала «Белсат» Міхась Янчук: «Гэта незалежныя тэлежурналісты, аператар Вячаслаў Пяшко і журналіст Валянцін Міхальцоў.

19.09.2012 Замежнікаў, затрыманых у Магілёве, чакае дэпартацыя?

18 верасьня ў Магілёве пад час правядзеньня семінару супрацоўнікі міліцыі супольна з прадстаўнікамі дэпартамента па па грамадзянстве і міграцыі затрымалі некалькі замежных грамадзян.