06.06.2011 Уладзімір Някляеў сёння падасць скаргу ў ААН аб катаваннях

Нагодай для яе, па словах Някляева, сталі заявы мноства ўдзельнікаў судовых працэсаў па "справе 19 снежня".

02.06.2011 Праваабаронцы: У Беларусь трэба запрасіць спецдакладчыка ААН па катаваннях

Еўрапарламент наведала беларуская дэлегацыя, у якую ўваходзяць прадстаўнікі праваабарончых арганізацый, Дар'я Корсак, жонка палітвязня Аляксандра Атрошчанкава, а таксама нядаўнія палітвязні Наста Палажанка, Андрэй Дзмітрыеў, Алесь Міхалевіч і Віталь Рымашэўскі. Яны правялі ў Бруселі шэраг сустрэч з прадстаўнікамі розных палітычных структур, у тым ліку з сябрамі найбуйнейшай парламенцкай фракцыі — Еўрапейскай народнай партыі.

30.05.2011 Асуджанага анархіста Аліневіча збівалі ў СІЗА КДБ

Гэта адбылося ў перыяд, калі "амерыканкай" фактычна кіравалі невядомыя людзі ў масках.

26.05.2011 Паляванне на "Еўрапейскую Беларусь" працягваецца вечарам

Андрэя Молчана прыкавалі да батарэі ў пад'ездзе яго сябра. Засада спецслужбаў пагражала турмой і пыталася, хто інфармаваў пра яго ранішні допыт журналістаў.

17.05.2011 Мая Абромчык шукае сведкаў свайго збіцця

Мая Абромчык у жыцці яшчэ больш далікатная дзяўчына, чым выглядае на фотаздымках. Усміхаецца, але, аднаўляючыся пасля аперацыяў, вымушана кульгаць. Такой бы дарыць кветкі, а даводзіцца задаваць нялёгкія пытанні. Нядаўна па факце збіцця спецназаўцамі 21-гадовай студэнткі распачалі крымінальную справу.

13.05.2011 Саннікаў: Мяне катавалі ў турме КДБ

Экс-кандыдат у прэзідэнты Андрэй Саннікаў заявіў сёння ў судзе, што даваў паказанні ў СІЗА КДБ пад катаваннямі. Фактычна, ён паўтарыў тое, што казаў раней Алесь Міхалевіч. Маці Саннікава заплакала, калі слухала гэта.

16.04.2011 Менскія міліцыянты збілі ні ў чым не вінаватага чалавека. Хто адкажа – за што?

Абуральны інцыдэнт адбыўся ў Серабранцы непадалёк ад гіпермаркету “Гіпа”, як кажуць, сярод бела дня. Жыхар сталіцы Ігар Рылькоў па незразумелых для яго прычынах быў збіты і ў наручніках дастаўлены ў бліжэйшы РУУС, а пасля ў ГАМ Ленінскага раёна для складання пратакола. Мужчына, які з’яўляецца інвалідам ІІ групы, палічыў, што спрабаваць штосьці тлумачыць міліцыянтам – бессэнсоўна. “За што?” – запытвалася пасля маці Ігара ў міліцэйскага начальства. “Такога быць не можа, каб ні за што”, - пачула ў адказ. Цяпер Галіна Валянцінаўна спадзяецца, што гэта пытанне будзе высвятляць пракуратура.

04.04.2011 Генпракуратура адмовілася распачаць крымінальную справу паводле заяваў Міхалевіча

Генеральная пракуратура Беларусі адмовілася распачаць справу па ўсіх заявах Алеся Міхалевіча. Пра гэта паведаміў 4 красавіка на прэс-канферэнцыі ў Мінску намеснік генпракурора Андрэй Швед.

31.03.2011 Раман Кісляк паскардзіўся на ўжыванне супраць яго сілы

Брэсцкі праваабаронца Раман Кісляк накіраваў скаргу пракурору Ленінскага раёна Брэста на прымяненне супраць яго фізічнай сілы ў дзяжурнай часці Ленінскага РАУС 28 сакавіка.

30.03.2011 Дзяўчат білі нагамі ў жывот

Марыю Квіцінскую і Касю Далідовіч 25 сакавіка збілі ў апорным пункце міліцыі. Іх павалілі на падлогу, а супрацоўнік у цывільным пачаў біць дзяўчат нагамі.

25.03.2011 Мая АБРОМЧЫК: «Дыягназ мне не гаварылі, каб не пужаць...»

Калі падымалася на пяты паверх “хрушчоўкі”, адразу падумала, як кожны дзень па гэтых прыступках з хворай нагой падымаецца 22-гадовая Мая Абромчык: 19 снежня ашалелы амапавец на плошчы Незалежнасці зламаў ёй нагу...

У двухпакаёўцы Мая Абромчык жыве не адна, а яшчэ некалькі студэнтак, былых яе аднагрупніц. Наша размова была не аб хлопцах і новых мадэлях сукенак, а аб пракуратуры, аб бальнічных справах, аб рэабілітацыі...

21.03.2011 Зварот Алеся Бяляцкага Генпракуратура далучыла да матэрыялаў праверкі па скарзе А Міхалевіча

Адказ Генеральнай пракуратуры на зварот праваабаронцы Алеся Бяляцкага наконт фактаў прымяненьня катаваньняў да былога кандыдата ў прэзідэнты Рэспублікі Беларусі Аляксея Міхалевіча выклікаў вялікі грамадскі рэзананс.

20.03.2011 Суд па справе Майі Абромчык адкладваецца

19 сакавіка суд павінен быў пачаць разгляд справы Майі Абромчык у дачыненні неправамерных дзеянняў супрацоўнікаў АМАПа. Але справа зацягваецца. Як паведаміла “Народнай Волі” студэнтка гістфака БДУ Майя Абромчык, справа па факту таго, што супрацоўнік АМАПу зламаў ёй нагу падчас мірнай акцыі апазіцыі 19 снежня, патрапіць у суд мінімум праз месяц.

16.03.2011 Ваенная пракуратура мусіць праверыць факты катаваньняў ў дачыненьні да Аляксея Міхалевіча

Генеральная пракуратура Беларусі перанакіравала зварот праваабаронцы Алеся Бяляцкага наконт фактаў прымяненьня катаваньняў да былога кандыдата ў прэзідэнты Рэспублікі Беларусі Аляксея Міхалевіча ў Беларускую ваенную пракуратуру. Тым самым орган, які закліканы сачыць за захваньнем законнасьці ў краіне, зьняў з сябе непасрэдную адказнасьць за праверку выкладзеных у скарзе фактаў.

16.03.2011 Алесь Міхалевіч даслаў гукавае паведамленне

Намеснік старшыні Руху “За Свабоду” Юрась Губарэвіч распавёў пра сваю ўпэўненасць, што Алесь Міхалевіч жывы-здаровы і ў бяспечным месцы.